دىپلوماتىيە مىنىستىرلىقى كونسۇل مەھكىمىسىنىڭ مەسئۇلى 5-مارت مۇنداق دېدى: جۇڭگو بىلەن ئامېرىكا ھاسىل قىلغان ئۇزۇن مۇددەتلىك ۋىزىدا ئۆز-ئارا نەپ يەتكۈزۈش ئورۇنلاشتۇرۇشى بىكار بولمىدى، داۋاملىق كۈچكە ئىگە بولىدۇ.

بۇ مەسئۇل كىشى مۇخبىرنىڭ ئامېرىكا دۆلەت زېمىن مىنىستىرلىقى تور بېكىتىدە ئېلان چىقىرىپ، ئون يىللىق كۈچكە ئىگە B1،B2 ۋىزىسى بولغان جۇڭگو پۇقرالىرىدىن توردا ئۆزلىرىنىڭ ئۇچۇرىنى ۋاقتىدا يېڭىلاشنى تەلەپ قىلدى. بۇ بەلگىلىمە جۇڭگو بىلەن ئامېرىكىنىڭ ئون يىللىق ۋىزا كېلىشىمىنىڭ بىكار قىلىنغانلىقىدىن دېرەك بېرەمدۇ؟ ئامېرىكىنىڭ ئون يىللىق ۋېزىسىغا ئېرىشكەن جۇڭگو پۇقرالىرى ئامېرىكىغا بېرىش ۋىزىسىنى قايتا ئىلتىماس قىلامدۇ يوق؟ دېگەن سوئالىغا جاۋاب بېرىپ مۇنداق دېدى: 2014-يىلى 11-ئايدا، جۇڭگو بىلەن ئامېرىكا كېلىشىم ھاسىل قىلىپ، بىر بىرىنىڭ سودا، ساياھەت خادىملىرىغا ئون يىللىق كۆپ قېتىملىق ۋىزا بەردى. بۇ قېتىم ئامېرىكا دۆلەت زېمىن بىخەتەرلىكى مىنىستىرلىقى ئېلان قىلغان ئۇچۇردا ئون يىللىق كۈچكە ئىگە ۋىزىسى بولغان جۇڭگو پۇقرالىرىدىن توردا ئۆزلىرىنىڭ ئۇچۇرىنى ۋاقتىدا يېڭىلاش تەلەپ قىلدى. ئامېرىكىنىڭ بۇ تەدبىرىدە ۋىزىنى قايتا ئىلتىماس قىلىش تەلەپ قىلىنمىدى، شۇنداقلا بۇ ۋېزىنىڭ كۈچكە ئىگە بولۇش ۋاقتىغا تەسىر كۆرسەتمەيدۇ، ۋىزىسى بار كىشىلەرنىڭ ئامېرىكىنىڭ چەتئەللەردە تۇرۇشلۇق ئەلچىخانىسىغا بېرىشىنىڭ ھاجىتى يوق. جۇڭگو بىلەن ئامېرىكا ھاسىل قىلغان ئۇزۇن مۇددەتلىك ۋىزا جەھەتتە ئۆز-ئارا ئېتىبار بېرىش ئورۇنلاشتۇرۇشى بىكار بولمىدى، داۋاملىق كۈچكە ئىگە بولىدۇ.