ياپونىيە دېڭىز ئۈستى بىخەتەرلىك نازارىتىنىڭ تەكشۈرۈشىچە،شىجى ئارىلىنىڭ كۆلىمى يانار تاغ ھەركىتىنىڭ تەسىرىدە ئەسلىدىكىدىن تەخمىنەن 3 ھەسسە چوڭلاپ كەتكەن. ياپونىيە بىرلەشمە ئاگىنتلىغىنىڭ خەۋىرى ، 4-فېۋرال ياپونىيە دېڭىز ئۈستى بىخەتەرلىك نازارىتىنىڭ تەكشۈرۈپ بايقىشىچە شىجى ئارىلى (مەمۇرى رايونغا بۆلگەندە توكيو كىچىك لىيۈەن كەنتىگە تەۋە ) نىڭ كۆلىمى يانار تاغ ھەركىتىنىڭ تەسىرىدە ئەسلىدىكىدىن تەخمىنەن 3 ھەسسە چوڭلاپ كەتكەن. ئىگىلىنىشىچە،شىجى ئارىلى بىلەن يانار تاغ پارتلاشتىن ھاسىل بولغان يېڭى ئارال بىرلىشىپ تېخىمۇ چوڭلاپ كەتكەن. دېڭىز ئامانلىقىغا مۇناسىۋەتلىك خادىمنىڭ ئېيتىشىچە ،يانار تاغنىڭ ھەركىتى پەسەيگەندىن كىيىن يېڭى ئارال دېڭىز دولقۇنلىرىنىڭ تەسىرىگە ئۇچرىسىمۇ يەنە 100-200يىلغىچە مەۋجۈت بولۇپ تۇرالايدىكەن. دېڭىز ئامانلىق خادىمىنىڭ ئاشكارلىشىچە،شىجى ئارىلىنىڭ كۆلىمى ئەسلى 20 گېكتار كېلىدىكەن، شەرقىشىمالدا پەيدا بولغان يېڭى ئارال ۋولقاننىڭ دۆۋىلىنىشى بىلەن كۆلىمى تېخىمۇ كېڭەيگەن. ئۆتكەن يىلى 12-ئايدا ئىككى ئارال بىرلىشىپ كەتكەن. بۇ يىل 3-ئايدىكى كۈزىتىش نەتىجىسىدە كۆرسىتىلىشىچە يەر كۆلىمى 60 گېكتارغا يەتكەن. يەنە بىلىشىمىزچە ، يانار تاغدىن ئۈزلۈكسىز چىقىۋاتغان ۋولقان ئارالنىڭ كۆلىمىنى يەنىمۇ چوڭايتىشى مۇمكىنكەن.