نېپالدا قاتتىق يەر تەۋرەش ئاپىتى يۈز بەرگەندىن كېيىن، جۇڭگو ھۆكۈمىتى داۋالاش ئەترىتى 27-ئاپرېل نېپالغا يېتىپ بېرىپ دەرھال قۇتقۇزۇش خىزمىتىنى قانات يايدۇرۇپ، نېپالدىكى كىچىك يېزا، كەنتلەردە چېدىر تىكىپ داۋالاش ئېلىپ بېرىپ، پۈتۈن كۈچى بىلەن يارىدارلارنى قۇتقۇزغان. يەرلىكنىڭ يول شارائىتىنىڭ ياخشىلىنىشى ۋە داۋالاش ئەترىتىنىڭ تەسىر كۈچىنىڭ ئېشىشىغا ئەگىشىپ، نۇرغۇن يارىدارلار ئۆزلىرى قۇتقۇزۇش ئەترىتىنى ئىزدەپ كەلگەن ياكى نېپال ھەربىي تەرەپ يۆتكەپ كەلگەن. داۋالاش ئەترىتى داۋالاشنى باشلىغاندىن ھازىرغىچە جەمئي 600 دىن ئارتۇق ئادەمنى داۋالىغان، بۇنىڭ ئىچىدە ئېغىر يارىداردىن 100 ى بار ئىكەن.