جاھان ئاگېنتلىقى 27-ئاپرېل خەۋىرى؛ لەگلەك تورى تەرجىمىسى: تۈركىيە پرېزىدېنتى رەجەب تاييىب ئەردوغان رەسمى زىيارەت ئۈچۈن بۈگۈن سائەت 19:10 دا كۇۋەيت خەلقئارا ئايرۇدرومىغا يىتىپ كەلدى، كۇۋەيىت ئەمىرى شەيىخ ساباھ ئەل ئەھمەد ئەل جابىر ئەل ساباھ ئەردوغاننى رەسمى مۇراسىم بىلەن قارشى ئېلىپ كۈتىۋالدى. تۈركىيە پرېزىدېنتى ئەردوغان كۇۋەيىت ئەمىرى شەيىخ ساباھنىڭ چاقىرىقىغا ئاساسەن زىيارەتكە كەلگەن بولۇپ، كۇۋەيتلىك كارخانچىلار بىلەن ئۇچرىشىدۇ ۋە كۇۋەيت مۇئاۋىن باش مىنىسترى، تاشقى ئىىشلار مىنىستىرى شەيىخ ساباھ ئەل خالىد ئ‍ل ساباھ، پارلامېنت باشلىقى مەرزوق ئالم غانىم ۋە باش مىنىستىر شەيىخ جابىر ئەل مۇبارەك ئەل ساباھ بىلەن ئايرىم-ئايرىم ئۇچرىشىدۇ.
تۈركىيە پرېزىدېنتى ئەردوغاننىڭ كۇۋەيىت زىيارىتىنىڭ ئىككى دۆلەت ئارىسىدىكى مۇناسىۋەتلەردە زور ئەھمىيەتكە ئىگە ئىكەنلىكى بىلدۈرۈلدى. بۇ زىيارەتتە ئىككى دۆلەت ئارىىسدىكى مۇناسىۋەت، تۈرلۈك ساھەلەردىكى ھەمكارلىق ۋە قوللاش، ۋە رايۇندىكى يېقىنقى ۋەزىيەتلەر ھەققىدە سۆھبەت بولىدۇ. بۇ زىيارەتتە ئىككى دۆلەت ئارىسىدىكى ئىقتىساد، سودا ، رايۇن ۋە خەلقئارالىق مەسىلىلەر تىلغا ئېلىنىدۇ.