ئۆتكەن يىلى مەملىكەت بويىچە تۆمۈر يول جامائەت خەۋپسىزلىكى ئورگانلىرى قېچىپ يۈرگەن جىنايەتچىدىن 40 مىڭ 315 نى قولغا چۈشۈردى، بۇ 2014-يىلدىكىدىن %13.2 ئارتۇق بولۇپ، ئوتتۇرا ھېساب بىلەن كۈنىگە 110 ى قولغا چۈشكەن.

        تۆمۈر يول جامائەت خەۋپسىزلىكى ئىدارىسىنىڭ ئالاقىدار مەسئۇلى تونۇشتۇرۇپ مۇنداق دېدى: قېچىپ يۈرگەنلەرنى تەكشۈرۈپ قولغا چۈشۈرۈش خىزمىتىدە جايلاردىكى تۆمۈر يول جامائەت خەۋپسىزلىكى ئورگانلىرى ئاساسى قاتلامنىڭ بىرىنچى سېپىدىكى خەلق ساقچىلىرىغا ئىلغار ئۈسكۈنىلەرنى سەپلەپ بېرىپ، مەركەزلىك تەربىيەلەش، نەق مەيداندا ئوقۇتۇش، تەكشۈرۈپ تۇتۇش مۇسابىقىسى ئۆتكۈزۈش قاتارلىق شەكىللەر ئارقىلىق تەربىيەلەشنى كۈچەيتىپ، خەلق ساقچىلىرىنىڭ قېچىپ يۈرگەنلەرنى تونۇش، بايقاش ئىقتىدارىنى ئاشۇردى، يولۇچىلار ئېقىمى ئەھۋالىغا قاراپ، ساقچى كۈچىنى ۋاقتىدا ئاجرىتىپ، بېلەت سېتىش زالى، مەيدانى ۋە ۋوگزال شۇنداقلا يولۇچىلار پويىزى قاتارلىق سورۇنلاردىكى تەكشۈرۈشنى كۈچەيتىپ، بېلەت سېتىش، ۋوگزالغا كىرىش، بىخەتەرلىكنى تەكشۈرۈش، بېلەت تەكشۈرۈشتىكى ئاچقۇچلۇق ھالقىلارنى ياخشى تۇتۇپ، قېچىپ يۈرگەنلەرنى تۇتۇش تورىنى قويۇقلاشتۇردى.