جۇڭگو ئاخبارات تورى، 4-مارت تېلېگراممىسى: چەت ئەل تاراتقۇلىرىنىڭ خەۋەر قىلىشىچە، يېقىندا فىرانسىيە تۇلۇسې ئاممىۋى قاتناش شىركىتىنىڭ مېترو شوپۇرلىرى 3-مارتتىن 30-سېنتەبىرگىچە يەتتە ئاي ئىش تاشلايدىغانلىقىنى ئالدىن ئۇقتۇرۇش قىلىپ ، مۇناسىۋەتلىك ئورگانلارنىڭ تېخىمۇ كۆپ ئادەم كۈچى ۋە ماددىي كۈچ تەمىنلەپ، مېترو شوپۇرلىرىنىڭ بىخەتەرلىكىگە كاپالەتلىك قىلىشى ھەمدە ئۇلارنىڭ مائاشىنى ئۆستۈرۈپ بېرىشىنى تەلەپ بولغان.   

 خەۋەردە دېيىلىشىچە، ئىشچىلار ئۇيۇشمىسى شىركەتنىڭ ھەر جۈمە ۋە شەنبە كۈنى قاتناش ۋاقتىنى ئۇزارتىپ، شوپۇرلاردىن ئۇدا سەھەر سائەت 3 كىچە خىزمەت قىلىشنى تەلەپ قىلغانلىقىنى ئەيىبلىگەن. ئەگەر شىركەت بىلەن مۇناسىپ كېلىشىم ھاسىل قىلىنمىسا، شىركەتتىكى 90 نەپەر مېترو شوپۇرى ئىش تاشلايدىكەن.