جاھان ئاگېنتلىقى 19-ئاپرېل خەۋىرى؛ لەگلەك تورى تەرجىمىسى: ئىران ئىنقىلاب مۇھاپىزەتچىلىرى قۇماندانى ياردەمچىسى ھۈسەيىن سەلامى، «يادرو مۇزاكىرىسى دائىرىسىدە ھەربىي ئورۇنلىرىمىزنىڭ تەكشۈرۈلۈشىگە ھەرگىز رۇخسەت قىلمايمىز، بىزنىڭ مەۋجۇتلىقىمىز ئامېرىكا بىلەن چوڭ بىر ئۇرۇش ئۈچۈن شەكىللەنگەن» دېدى. سەلامى، ئىران دۆلەتلىك تېلىۋىزىيسىدە سۆز قىلىپ، ئامېرىكىلىق خادىملارنىڭ « ئىرانغا قارىتا ھەربىي تاللاش پۇرسىتىنىڭ ھازىرمۇ مۇزاكىرە قىلىنىۋاتقانلىقى» ھەققىدىكى باياناتىغا ئالاقىدار مۇنداق دېدى؛ «بۇ باياناتلار بىز ئۈچۈن ئەندىشىلىك ئەمەس، بىزنىڭ مەۋجۇتلىقىمىز ئامېرىكا بىلەن چوڭ بىر ئۇرۇش ئۈچۈن شەكىللەنگەن».
سەلامى، ئىران بىلەن 5+1 دۆلەتلىرى ئارىسىدىكى يادرو مۇزاكىرىسىدە يىتىش نىشان قىلىنغان كېلىشىم دائىرىىسىدە، ئىراننىڭ ھەربىي ئورۇنلىرىنىڭ تەكشۈرۈلۈشىگە ئەسلا رۇخسەت قىلمايدىغانلىقىنى ، ھەر قانداق بىر تەكشۈرۈشنى قوبۇل قىلمايدىغانلىقىنى ئېيتتى.
سەلامى، ئىراننىڭ رايۇندىكى كونتروللۇق، پىلان ۋە مۇداپىئە خىزمىتىنىڭ كەڭ دائىردە ئىكەنلىكى، بۇ ھەقتە ئەندىشە قىلمايدىغانلىقىنى تەكتلەپ، «بىز ئامېرىكا بىلەن ئىران-ئىراق ئۇۇرشىدا ياكى رايۇن خاراكتىرلىك توقۇنۇشلاردا ۋاستىلىق ياكى ۋاكالىتەن ئۇرۇشلارغا قاتناشتۇق. ئامېرىكىنىڭ ھەربىي كۈچىنى ۋاستىلىق شەكىلدە بىلدۇق. بىز ھېسيات بىلەن سۆزلەيمىز ئەمما ھېسيات بىلەن ئىش قىلمايمىز» دېدى.
ئىران بىلەن 5+1 دۆلەتلىرى ئ‍ارىسىدا شىۋىتسارىيەنىڭ لوزان شەھىرىدە ئۆتكۈزۈلگەن يادرو مۇزاكىرىسىدە 2-ئاپرېل رامكا كېلىشىمى ھاسىل بولغان ئىدى. ئىران بىلەن روسىيە، ئامېرىكا ، فرنسىيە، ئەنگىلىيە، جۇڭگو ۋە گېرمانىيەدىن شەكىللەنگەن 5+1 دۆلەتلىرى، ئىراننىڭ يادرو پروگراممىسى ھەققىدە بىر قانچە ئايدىن بۇيان داۋاملاشقان مۇزاكىرە نەتىجىسىدە يارىشىش ھاسىل قىلغان ئىدى. 30-ئىيۇنغا قەدەر ئەڭ ئاخىرقى ھەل قىلغۇچ كېلىشىم تۈزۈش پىلان قىلىنغان بولۇپ ئىران بۇ كېلىشىم بىلەن بىرگە، ئامېرىكا، ياۋرۇپا ئىتتىپاقى ۋە ب د ت تەرىپىدىن يۈرگۈزۈلگەن جازالارنىڭ بىكار قىلىنىشىنى تەلەپ قىلدى.