سومرۇغ تورى خەۋىرى لەگلەك تورى تەرجىمىسى .

مالايسىيا ئاۋىئاتسىيە شىركىتىنىڭ ئالاقىسى ئۈزۈلۈپ قالغان MH370قېتىملىق يولۇچىلار نۆۋەتچى ئايروپىلانىنى ئىزدەۋاتقان ۋاقىت بىر ئايدىن ئېشىپ كەتتى ،شۇنچە كۆپ دۆلەتنىڭ ئىزدەش ئەترىتى بىر ئاي ۋاقىت سەرپ قىلىپمۇ يوقاپ كەتكەن ئايروپىلاننى تاپالمىدى .

ئاۋىسترالىيىنىڭ ‹دېڭىز قالقىنى› ناملىق پاراخوتى ئىككى قېتىم سۇ ئاستىدىن ئىمپۇلىس سىگنالىنى بايقىدى ،ئەمما بۇ سىگنالنىڭ بۇ نۆۋەتچى ئايروپىلاننىڭ سۇپىسىدىن چىققان چىقمىغانلىقىنى ئىچكىرلەپ تەكشۈرۈشكە توغرا كېلىدۇ ،بۈگۈن ئېلىمىزنىڭ ئالتە پاراخوتى ئاۋىسترالىيىنىڭ غەربىي تەۋەلىكىدە ئىزدىدى .

باشقا ئۈچ پاراخوت ھىندى ئوكياننىڭ شەرقىي قىسمىدىكى دېڭىز تەۋەلىكىدە ئىزدەش ئېلىپ باردى ،نۆۋەتتە MH370قېتىملىق نۆۋەتچى ئايروپىلانغا مۇناسىۋەتلىك ھېچقانداق ئۇچۇر بايقالمىدى ،جۇڭگو دېڭىز ئۈستى قۇتقۇزۇش مەركىزى ،ئالدىنقى سەپتىكى پاراخوتلارنى مەركەزلەشتۈرگەن ئاساستا ،ئىزدەش رايونىدا سۇ ئاستىدا ئىزدەش سالمىقىنى زورايتتى ،شۇنىڭ بىلەن بىر ۋاقىتتا ئاۋسترالىيە بىرلەشمە ماسلاشتۇرۇش مەركىزى بىلەن بولغان ئالاقىنى يەنىمۇ كۈچەيتىپ ،ئىزدەش رايونىنى مۇۋاپىق تەڭشەشتى .

سۇ ئاستى ،دېڭىز يۈزى ۋە ھاۋادىن ماس قەدەمدە ئىزدەشنى ،ھەمدە ئاۋسترالىيە بىرلەشمە ماسلاشتۇرۇش ،مەركىزىگە ئادەم ئەۋەتىپ خىزمەتنى كۈچەيتىشنى تەلەپ قىلدى ،ئاۋسترالىيە بىرلەشمە ماسلاشتۇرۇش مەركىزىنىڭ باش ماسلاشتۇرغۇچى خىيۇستون مۇنداق دېدى :‹ئاۋسترالىيىنىڭ دېڭىز قالقىنى ناملىق پاراخوتى سۇ ئاستىدا ئىككى قېتىم ئىمپۇلىس سىگنالىنى بايقىدى ، بىر قېتىملىقى ئىككى سائەت 20مىنوت ،يەنە بىر قېتىملىقى 13 مىنوت داۋاملاشتى ،قوبۇل قىلىنغان سىگنال ئالاھىدىلىكى قارا قۇتا سىگنالىغا ماس كېلىدۇ ،ئەمما بۇ سىگنالنىڭ شۇ ئايروپىلاننىڭ قارا قۇتىسىدىن چىققان چىقمىغانلىقىنى يەنىمۇ بېكىتىشكە توغرا كېلىدۇ ،نۆۋەتتە ئاۋىسترالىيىنىڭ دېڭىز قالقىنى ناملىق پاراخوتى بىلەن جۇڭگونىڭ دېڭىز چارلاش 01 بەلگىلىك پاراخوتى بايقىغان سىگنالنىڭ ئارىلىقى 600كىلومىتىر كېلىدۇ ،ئەمما بۇ سىگنال بىر بىرىگە زىت ئەمەس ،چۈنكى سۈنئىي ھەمرا تەمىنلىگەن مۇھىم سىگنالىغا ئاساسلانغاندا بۇ ئىككى پاراخوت ئىزدىگەن رايون ،MH370قېتىملىق نۆۋەتچى ئايروپىلاننىڭ دېڭىزغا چۈشۈپ كېتىش ئېھتىماللىقى ئەڭ چوڭ بولغان رايون ›.تۈنۈگۈنمۇ جەمئىي ئۈچ پۇقراۋى ئايروپىلان 14 پاراخوت ئىزدەشكە قاتناشتى .

لەگلەك تورى ئۈندىدار سالونىنى قۇشىۋېلىڭ ،ئىزدەش نۇمۇرى :LEGLEK