دۆلەت سەھىيە ۋە پىلانلىق پەرزەنت كۆرۈش خىزمىتى
كومىتېتى 10 – كۈنى 2014 – يىلى 1 – ئايدا مەملىكەت بويىچە يۇقۇملۇق
كىسەللىكلەرنىڭ ئەھۋالىنى ئېلان قىلدى، مەملىكەت بويىچە (شياڭگاڭ، ئاۋمېن،
تەيۋەننى ئۆز ئىچىگە ئالمايدۇ) 457 مىڭ 766 كىشى يۇقۇملۇق كىسەللىكلەر بىلەن
يۇقۇملانغان بولۇپ، 1157 كىشى قازا قىلىغان. بۇنىڭ ئىچىدە31 كىشى H7N9 تارقىلىشچان قۇش زۇكىمى بىلەن قازا قىلغان.

ئىستاتىستىكىغا ئاساسلانغاندا، 1 – ئايدا A تۈردىكى يۇقۇملۇق كېسەللىك كۆرۈلمىگەن بولۇپ، قازا قىلغانلار
توغرىسىدا دوكلات يوق ئىكەن؛ B تۈردىكى يۇقۇملۇق كېسەللىك ئىچىدە سارس، يۇلۇن سۇر ماددا
ياللۇغى،ئادەمگە يۇقىدىغان قوزغىلىشچان قۇش زۇكىمى ۋە بوغما كېسەللىكى كۆرۈلمىگەن
بولۇپ، قازا قىلغانلار توغرىسىدا دوكلات يوق ئىكەن ، باشقا 22 خىل يۇقۇملۇق
كېسەللىك بىلەن يۇقۇملانغانلار ئىچىدە 272 مىڭ 5 كىشىدە يۇقۇم ئەھۋالى كۆرۈلۈپ،
1136 كىشى قازا قىلغان. دوكلات قىلىنغان كېسەللىك قوزغىلىش سانى جەھەتتە ئالدىنقى
بەشىنچى ئورۇندا تۇرىدىغان كېسەللىكلەر تەرتىپ بويىچە ۋىرۇسلۇق جىگەر ياللۇغى،
ئۆپكە تۇبېركىليۇز، سىفىلىس، سۆزنەك، باكتېرىيەلىك ۋە ئاميوبالىق تولغاق بولۇپ، B تۈردىكى يۇقۇملۇق كېسەللىكنىڭ قوزغىلىش نىسبىتى ئومۇمىي ساننىڭ
%95ىنى ئىگىلىگەن.

ئوخشاش مەزگىلدە مەملىكەت
بويىچە 185 مىڭ 761 كىشىنىڭ C تۈردىكى يۇقۇملۇق كېسەللىك بىلەن يۇقۇملىنىپ، 21
كىشىنىڭ قازا قىلغانلىقى دوكلات قىلىنغان. دوكلاتتىكى كېسەللىك قوزغىلىش سانى
ئىچىدە ئالدىنقى ئۈچىنىڭ ئىچىدە تۇرىدىغان كېسەللىكلەر تەرتىپ بويىچە باشقا
يۇقۇملۇق ئىچ سۈرۈش كېسەللىكى، قول – پۇت ۋە ئېغىزلارغا ئەسۋە چىقىش كېسەللىكى ۋە
تارقىلىشچان زۇكام بولۇپ، C تۈردىكى يۇقۇملۇق كېسەللىك ئاغرىقلىرى  ئومۇمىي ساننىڭ %90ىنى ئىگىلىگەن.