شىنجاڭ ئۆزتۈرك مەبلەغ سېلىش باشقۇرۇش مەسلىھەتچىلىك چەكلىك شىركىتى بىلەن ھەمكارلاشقان سەھىپە

بازار ئانالىزغا بولغان چۈشەنچە:

    بازار ئانالىز دىگەن بازار كۆلىمى، ئورنى، خارەكتىرى، ئالاھىدىلىكى، بازار سىغىمى ۋە جەلىپ قىلىش دائىرىسى قاتارلىق جەھەتلەردىن تەكشۈرۈش ئېلىپ بېرىپ ئېرىشكەن ماتىرىياللاردىن ئەكىس ئەتكەن ئىقتىسادىي ئانالىز.

بازار ئانالىزنىڭ مەقسەت-مۇددىئاسى:
    بازار ئانالىزنىڭ ئاساسلىق مەقسېتى تاۋارنىڭ يوشۇرۇن سېتىلىش مىقدارىنى تەتقىق قىلىش، يوشۇرۇن بازارنى قېزىش، تاۋارنىڭ رايونلار ئارىسىدىكى تەقسىماتىنى مۇۋاپىق ئورۇنلاشتۇرۇش ۋە تاۋارنىڭ بازار ئىگىلەش نىسبىتىنى تەكشۈرۈش.
    بازار ئانالىز ئارقىلىق، بىز بازاردىكى تاۋارنىڭ ئېھتىياج ۋە تەمىنلەش جەھەتتىكى نىسبىي مۇناسىۋىتىنى تېخىمۇ ياخشى تۇنۇپ، تېخىمۇ توغرا بولغان تىجارەت ئىستىراتېگىيىسىنى قوللۇنۇش ئارقىلىق، بازار ئېھتىياجىنى قاندۇرۇپ، كارخانىنىڭ ئىقتىسادىي ئۈنۈمىنى كۆتۈرۈش مەقسىتىگە يەتكىلى بولىدۇ.

بازار ئانالىزنىڭ رولى:
    بازار ئانالىزنىڭ رولى ئىككى چوڭ جەھەتتىن ئىبارەت:
1. كارخانا توغرا ماركېتىڭ ئىستراتىگىيىسىنى تۈزۈشنىڭ ئاساسى
    كارخانىنىڭ ماركېتىڭ ئىستىراتېگىيە قارارى مۇستەھكەم بولغان بازار ئانالىزى، ئېھتىياجغا تەسىر قىلىدىغان تاشقى ئامىل ۋە كارخانىنىڭ مال كىرگۈزۈش، ئىشلەپچىقىرىش، سېتىشلارغا تەسىر كۆرستىدىغان ئىچكى ئامىللارغا نىسبەتەن تۇلۇق چۈشەنچىگە ئىگە بولغاندىن كىيىن تۇزۇپ چىقىلغاندا، خاتالىقنى ئازايتىپ، قارار چىقىرىشنىڭ ئىلمىلىكى ۋە توغرىچانلىقىنى يۇقىرى كۆتۈرۈپ، تىجارەتتىكى خېيىم-خەتەرنى ئەڭ تۆۋەن دەرىجىگە چۈشۈرگىلى بولىدۇ.

2. ماركېتىڭ ئىستىراتېگىيە پىلانىنى ئىجرا قىلىشنىڭ كاپالىتى
    كارخانا ماركېتىڭ ئىستىراتېگىيە پىلانىنى ئىجرا قىلىش جەريانىدا بازار ئانالىز قىلىپ ئېرىشكەن ئەڭ يېڭى ئۇچۇر ماتىرىياللارغا ئاساسەن، كارخانىنىڭ ماركېتىڭ ئىستىراتېگىيىسىنى ئۆزگەرتىشنىڭ زۆرۆرىيىتى بارمۇ ياكى قانداق ئۆزگەرتىش كېرەك دىگەنلەرنى تەكشۈرۈپ ۋە ھۆكۈم قىلغىلى، يېڭى پەيدا بولغان ياكى ئويلىمىغان ئەھۋاللارغا ماسلاشقىلى، شۈنىڭ بىلەن بىرگە ماركېتىڭ ئىستىراتېگىيىسىنىڭ مۇۋاپىقىيەتلىك ئىجرا قىلىشىغا كاپالەتلىك قىلغىلى بولىدۇ.

    ئىلمىي ئۇسۇل ئارقىلىق بازارنى ئانالىزى ئېلىپ بارغاندىلا، كارخانىنىڭ توغرا قارار چىقىرىشىغا كاپالەتلىك قىلغىلى بولىدۇ.بازار ئانالىز قىلىش كارخانىنىڭ تىجارەتتىكى ئىستىراتىگىيىلىك مۇھىم مەسىللىرىنى ھەل قىلىشقا ياردەم قىلالايدۇ. مەسىلەن، بازار ئانالىز ئارقىلىق، كارخانا ئۆزىنىڭ مەلۇم بازاردا تىجارەت پۇرسىتى بارمۇ يوق، ياكى باشقا بازاردا تىجارەتنى كېڭەيتىشنىڭ ئېمكانىيىتى بارمۇ يوق دىگەندەك سۇئاللارغا جاۋاپ تاپقىلى بولىدۇ. بازار ئانالىز يەنە كارخانىنىڭ سېتىش دىرېكتورلىرىنىڭ مەلۇم مەسىللەردە قارار چىقىرىشىغا ياردەم قىلالايدۇ. مەسىلەن، شىركەت خېرىدارلارنىڭ ئېھتىياجىغا ماسلىشىش ئۈچۈن مەھسۇلاتنىڭ باھاسىنى تەڭشەش كېرەكمۇ، ياكى شىركەت سېتىپ چىقىرىشنى ئىلگىرى سۈرۈش ئۈچۈن ئىتىبار پائالىيەتلىرىنى كۆپەيتىش كېرەكمۇ دىگەندەك.

    بازار ئانالىزنىڭ كارخانا تىجارەت ئىستىراتېگيىسىنى بېكىتىش جەھەتتىكى مۇھىم رولى:
1. بازار ئانالىز كارخانىنىڭ بازار پۇرسىتىنى تېپىپ چىقىش ھەمدە كارخانىنىڭ تەرەققىي قىلىشىنى ئاساس بىلەن تەمىنلەيدۇ.
2. بازار ئانالىز كارخانىنىڭ سېتىشنى كونترول قىلىش ئىقتىدارىنى كۈچەيتىدۇ.

3. بازار ئانالىز كارخانىنىڭ تىجارەتتىكى مەسىلىلەرنى بايقاش ۋە ھەل قىلىش ئۇسۇللىرىنى تېپىپ چىقىشقا ياردەم قىلالايدۇ.

4. بازار ئانالىز كارخانا ۋە خېرىدار ئوتتۇرىسىدىكى ئالاقىنى تەڭپۇڭلاشتۈرۈپ بېرەلەيدۇ.
5. بازار ئانالىز ھۆكۈمەت مۇناسىۋەتلىك بۆلۈملىرىنىڭ بازارنى چۈشۈنۈش، ماكرولۇق تىزگىنلەش ئېلىپ بېرىشنى ئاساس بىلەن تەمىنلەيدۇ.

شىنجاڭ ئۆزتۈرك مەبلەغ سېلىش باشقۇرۇش مەسلىھەتچىلىك شىركىتى ئۈندىدار سالونىنى قوشۇۋېلىڭ