11-سېنتەبىر مۇخبىرنىڭ جەنۇب ئاۋىياتسىيەسى شىنجاڭ تارماق شىركىتىدىن ئىگىلىشىچە ، جەنۇب ئاۋىياتسىيە شىركىتىنىڭ 2014-يىللىق شىنجاڭدىن ئايروپىلان خادىمى قوبۇل قىلىش پائالىيىتى 10-ئايدا ئۈرۈمچى شەھىرىدە ئېلىپ بېرىلىدىكەن . قوبۇل قىلىنىدىغانلارنىڭ سانى چەكلەنمەيدىغان بولۇپ ، ھازىردىن باشلاپ توردا تىزىملاتسا بولىدىكەن .

جەنۇب ئاۋىياتسىيەسى خىزمەتچى خادىمىنىڭ تونۇشتۇرۇشىچە ، بۇ يىل مەخسۇس كۇرس ئوقۇش مەلۇماتىغا ئىگە بولغانلار ئىچىدە 1990-يىلى 1-يانۋاردىن 1996-يىلى 31-دېكابىرغىچە بولغان ۋاقىتتا تۇغۇلغانلار ، تولۇق كۇرس ئوقۇش مەلۇماتىغا ئىگە بولغانلاردىن 1989-يىلى 1-يانۋاردىن 1996-يىلى 31-دېكابىرغىچە بولغان ۋاقىتتا تۇغۇلغانلار قوبۇل قىلىنىدىغان بولۇپ ، قوبۇل قىلىنىدىغانلارنىڭ جىنسى ، كەسپى ، ئىنگلىزچە سەۋىيەسىگە چەك قويۇلمايدىكەن ، قوبۇل قىلىنىدىغانلار چوقۇم 2015-يىلى 1-سېنتەبىردىن بۇرۇن پۈتۈن كۈنلۈك ئوقۇش تۈزۈمىدىكى مەكتەپنى پۈتكۈزىدىغان ، دۆلەتلىك مائارىپ تارماقلىرى ئېتراپ قىلغان ئوقۇش پۈتكۈزۈش گۇۋاھنامىسىغا ئېرىشكەن بولۇشى كېرەككەن .