ئۇنىۋېرىسال خەۋەرلەرگە قارىغاندا ، ئامېرىكا مىسسۇرى ئىشتاتىنىڭ چوڭ زاسېداتېللار ئۆمىكى فېرگۇسون بىروۋن دېلوسىدىكى ئوق چىقارغان ساقچى ۋىلسوننى ئەيىبلىمەسلىك ھۆكۈمىنى چىقارغاندىن كېيىن ، شەرقىي دېڭىز قىرغىقىدىن غەربىي دېڭىز قىرغىقىغىچە زور كۆلەمدە نامايىش ئېلىپ بېرىلغان . نامايىش بارغانسېرى كۈچىيىپ ، پۈتۈن ئامېرىكىدىكى 170 شەھەرگىچە كېڭەيگەن ، كەم دېگەندە 400 كىشى ساقچىلار تەرىپىدىن تۇتۇلغان .

ئوباما 26-نويابىر كېچىدە چىكاگودىكى كوپېرنىك مەركىزىدە بىروۋن دېلوسى ھۆكۈمى كەلتۈرۈپ چىقارغان ‹‹ فېرگۇسون قالايمىقانچىلىقى›› توغرىسىدا جىددىي سۆز قىلغان ، ئۇ : ‹‹ قانداقلا سەۋەب ۋە مەقسەتتە بولۇشىدىن قەتئىينەزەر، مال-مۈلۈككە زىيانكەشلىك قىلىش ۋەيرانچىلىقنى كەلتۈرۈپ چىقارغانلىق ھېسابلىنىدۇ ، بۇنىڭغا ھەرقانداق باھانە سۆزلەش ھاجەتسىز ›› دېگەن . ئوباما يەنە فېدېراتسىيە ۋە يەرلىكتىكى ئالاقىدار ئەمەلدارلارنى يىغىپ ، قانداق قىلغاندا ساقچىلارنىڭ جايلاردا ئادىل ۋەزىپە ئىجرا قىلىشىغا كاپالەتلىك قىلغىلى بولىدىغانلىقى توغرىسىدا سۆھبەت ئېلىپ بارىدىغانلىقىنى ئېيتتى .

ئامېرىكا مىسسۇرى ئىشتاتىنىڭ باشلىقى جاي نېكسون دېلوغا ھۆكۈم چىقىرىلغاندىن كېيىنكى نەچچە سائەت ئىچىدە يېتەرلىك ساقچى كۈچى ئاجراتمىغان ، دەپ ئەيىبلەنگەن .