ئىنتايىن ئېغىر قول ھارۋىسىنى سۆرەپ كەلگەن بىر دېھقان ناھايتى ئېگىز بىر تاغ تۈۋىگە كەپتۇ _دە، ئۆزىنى تاشلاپ ئولتۇرۇپ قاپتۇ. ئۇنىڭ بۇ ئېگىز تاغقا ھارۋىسىنى سۆرەپ چىقىشقا كۆزى يەتمەپتۇ . شۇ چاغدا ناھايتى قىزغىن بىر ئادەم كەپتۇ _ دە ، ‹‹قوپۇڭ ، مەن سىزگە ياردەملىشەي›› دەپتۇ . ھېلىقى دېھقان ياردەمگە ئېرىشكەنگە خوشاللىقىدىن چىشىنى چىشلەپ يۈقىرى ئۆرلەشكە باشلاپتۇ . ‹‹ھە! ھە!، كۈچەڭ!›› دەپ مېڭىپتۇ ھېلىقى ئادەم ئۇنىڭغا مەدەت بېرىپ . ئۇزاققا بارمايلا ئۇلار تاغ ئۇستىگە چىقىپ بوپتۇ . دېھقان ناھايتى قىزغىنلىق بىلەن ئۇ ئادەمگە رەھمەت ئېيتىپتۇ . ھېلىقى ئادەم بولسا : ‹‹ بولدى قويۇڭ ، نېمىگە رەھمەت دەيسىز ؟ بىلىم قايرىلىپ كەتكىلى ئىككى كۈن بولغان . سىزگە كۈچەڭ دەپ بىرەلىدىم شۇ !›› دەپتۇ .
مانا بۇ يوشۇرۇن ئىقتىدار . يوشۇرۇن ئىقتىدار كىشلەردە بار بولغان ئەمما ئۆزى تونۇپ يەتمىگەن ، قېزىپ چىقارمىغان ئىچكى ئىقتىدار ۋە قابىلىيەتنى كۆرسىتىدۇ . ئۇ ھەممە ئادەمدە يوشۇرنۇپ ياتىدۇ . ئۇنى قېزىپ چىقىرىش بىزگە باغلىق .
ئىلمى تەتقىتاتلارنىڭ ئىسپاتلىشىچە ، ئىسانلاردىكى مۇتلەق كۆپ ئىقتىدار ئىشلىتىلمەي ، بايقالماي بېسىلغان ھالەتتە تۇرىدۇ . ئاشۇ بېسىلغان يوشۇرۇن ئىقتىدارنىڭ ئىشلىتىش دەرىجىسىنىڭ ئوخشىماسلىقى ئۇلۇغ ئادەم ۋە ئادەتتىكى ئادەملەرنى تۇغىدۇ . مۇنداقچە ئېيتقاندا ، ئۇلۇغ ئادەملەر ئۆزىگە ، ئۆز ئىقتىدارىغا ، يوشۇرۇن ئىقتىدارىغا يۈكسەك دەرىجىدە ئىشىندىغان ، ئۆزىنى ، ئۆزىنىڭ يوشۇرۇن ئىقتىدارىنى ئىپادىلەشكە قالتىس ماھىرلاردىن سانىلىدۇ . ئادەتتىكى ئادەملەر بولسا ئۆز ئىقتىدارى ، يوشۇرۇن ئىقتىدارىغا ئىشەنمەيدۇ ، تاقەتسىز ، قورقونچاق ، ئۇلۇغۋار پىلانلارنى تۈزۈشكىمۇ ، ئۇنىڭ ئۈچۈن جان تىكىپ كۆرەش قىلىشقىمۇ پېتىنالمايدۇ ، ئۆزىنى ئۆزى بۇغۇپ قويۇپ ، ئالغا ئىلگىرلەشكە ئىرىنچەكلىك قىلىدۇ . شۇڭا دەيمىزكى ، ئادەتتىكى ئادەملەرگە نىسپەتەن ئېيتقاندا ، يوشۇرۇن ئىقتىدار بار _يوقلۇق ، چوڭ _ كىچىكلىك مەسىلىسى ئەمەس ، بەلكى ئۇنى قانداق قىلىپ ئۈنۈملۈك ئېچىش ۋە قوزغىتىش مەسىلىسى خالاس .

مەنبە: ‹‹ بايقىساڭ توپىمۇ ئالتۇن›› دىگەن كىتاپتىن ئېلىندى.