يەر شارى تورى خەۋىرى لەگلەك تورى تەرجىمىسى.ئافغانىستان پارلامىنتىنڭ تۆۋەن پالاتاسى شۇ يەر ۋاقتى 11-ئاينىڭ 23-كۈنى ئامېرىكا ۋە شىمالىي ئاتلانتىك ئەھدى تەشكىلاتى بىلەن تۈزگەن بىخەتەرلىك كېلىشىمنى تەستىقلاپ ،تەخمىنەن 12 مىڭ 500 كىشىلىك خەلقئارا قىسىمنىڭ 2015- يىلى ئافغانىستانغا داۋاملىق تۇرۇشىغا يول قويغان ئىدى .

ئۇلاردىن باشقا ئامېرىكا نيۇيورك ۋاقىت گېزىتىنىڭ 22-نويابىر ئاشكارلىشىچە ،ئامېرىكا زۇڭتۇڭى ئوباما ئامېرىكىنىڭ ئافغانىستانغا تۇرۇشلۇق ئامېرىكا ئارمىيىسىنىڭ ھەرىكىتىگە چېتىشلىق بىر پىلاننى مەخپى تەستىقلاپ ئافغانىستاندا تۇرۇشلۇق ئامېرىكا ئارمىيىسىگە تېخىمۇ كۆپ ئۇرۇشلارغا قاتنىشىش پۇرسىتى بەرگەن .

ئوباما بۇ يىل مايدا ئافغانىستاندا تۇرۇشلۇق ئامېرىكا ئارمىيىسىنىڭ كېلەر يىلى ئافغانىستانغا ھېچقانداق ئۇرۇش قىلىش ۋەزىپىسىگە قاتناشمايدىغانلىقى قېلىپ قالغان ئامېرىكا ئەسكەرلىرىنىڭ پەقەت ئافغانىستان خەۋپسىزلىك قىسمىنى تەربىيىلەش ۋە بازا تەشكىلاتىنىڭ قالدۇق كىشىلىرىنى قوغلاپ تۇتۇشقىلا مەسئۇل ئىكەنلىكىنى جاكارلىغان ئىدى ،لېكىن ئۇنىڭ ئەڭ يېڭى قارارىغا قارىغاندا 2015-يىلى ئافغانىستانغا تۇرۇشلۇق ئامېرىكا ئارمىيىسى ئامېرىكا ئەسكەرلىرى ياكى ئامېرىكا ھۆكۈمىتىنىڭ بىخەتەرلىكىگە تەھدىت سالغان تالىبان قوراللىقلىرى شۇنداقلا باشقا قوراللىقلارغا ھەربىي ھەرىكەت قوللىنىشقا ھوقۇقلۇق ئىكەن .ناۋادا تالىبان قوراللىقلىرى بازا تەشكىلاتىغا بىۋاستە ياردەم بەرسە ئامېرىكا ئارمىيىسىنىڭ مۇناسىپ تەدبىر قوللىنىش ھوقۇقىمۇ بولىدىكەن.

ئۇنىڭدىن باشقا ئافغانىستاننىڭ يېڭى زۇڭتۇڭى غەنى يېقىندا سابىق زۇڭتۇڭى كازافىينىڭ ئامېرىكا ئۇرۇش ئايروپىلانلىرىغا قويغان ھاۋا ھۇجۇمى چەكلىمىسىنى بىكار قىلدى ئامېرىكا ئارمىيىسى ئۇرۇشقا قاتناشقان ئافغانىستان ھۆكۈمەت ئارمىيىسىگە ھاۋا ھۇجۇمى ياردىمى بېرىش ۋە ئافغانىستان ھۆكۈمەت ئارمىيىسى بىلەن بىرگە تالىبان قوراللىقلىرىغا زەربە بېرىش ئىجازىتىگىمۇ ئېرىشتى .ئامېرىكىنىڭ ئىلگىركى ئەسكەر چېكىندۈرۈش پىلانىغا ئاساسەن ئافغانىستانغا تۇرۇشلۇق ئامېرىكا ئەسكەرلىرىنىڭ سانى بۇ يىلنىڭ ئاخىرى 9800 كىشىگە كېمەيتىلمەكچى ،كېلەر يىلىنىڭ .ئاخىرى يەنە ئۇنىڭ يېرىمى كېمەيتىلمەكچى ،2016-يىلىنىڭ ئاخىرى ئافغانىستاندىن پۈتۈنلەي چېكىندۈرۈلمەكچى بولغان ئىدى .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى : LEGLEK