خەير-ساخاۋەت ئورگىنىنىڭ دوكلاتىدا كۆرسىتلىشىچە، يەر شارىدىكى باي نامراتلىق پەرقى بارغانسىېرى چوڭىيىۋاتقان بولۇپ، نۆۋەتتە، پۈتۈن يەر شارى نۇپۇسىنىڭ %10 نى ئىگىلەيدىغان باي كىشىلەر ئېگە بولغان بايلىق يەر شارىدىكى ئۇمۇمىي بايلىقنىڭ %87 نى ئىگىلەيدىكەن. ئەمما زادى قانچىلىك پۇلى بولسا ئاندىن يەر شارىدىكى ئەڭ باي %10 ئادەمنىڭ قاتارىغا ياكى ئەڭ باي %1 ئادەمنىڭ قاتارىغا كىرگىلى بولىدۇ؟ ئەمما بۇ سۇئالنىڭ ھەقىقىي جاۋابى ئويلىغىنىڭزدەك چىقماسلىقى مۇمكىن.

خەيرى-ساخاۋەت ئورگىنىنىڭ دوكلاتىدا ئېيتىلشىچە، گەرچە دۇنيا ئىقتىسادى چېكىنىۋاتقان بولسىمۇ ئەمما يەنىلا بايلار بۇنىڭدىن پايدا ئېلىۋېتىپتۇ.

نۆۋەتتە يەر شار نۇپۇسىنىڭ %10 نى ئىگىلەيدىغان بايلار يەر شارىدىكى ئۇمۇمىي بايلىقنىڭ %87 نى ئېگىلىۋالغان بولۇپ، 2016- يىلىغا بارغاندا يەر شارى نۇپۇسىنىڭ %1 نى ئىگىلەيدىغان بايلار يەر شارىدىكى ئۇمۇمىي بايلىقنىڭ %50 نى ئىگىلىۋالىدىكەن.

بۇ دوكلاتتا شىۋىتسارىيە بانكىسىنىڭ يەر شارىدىكى بايلىق دوكلاتىدىكى مەزمۇنلار بايان قىلىنغان بولۇپ، شىۋىتسارىيە بانكسى 2010- يىلىدىن باشلاپ ھەر يىلى بىر قېتىم يەر شارى بايلىق دوكلاتى چىقرىپ، يەر شارىدىكى شەخسى بايلىقنى ئەڭ ئىنچىكە ئەڭ شەرھىلەيدىغان ئەڭ يېڭى ماتېريال مەنبەسى دەپ نام ئالغان.

بۇ دوكلاتتا ئاشكارىلىنىشىچە، سىزنىڭ پەقەت 3650 دوللار (22700 يۈەن خەلق پۇلى ) لىق مۈلكىڭىز بولسىلا، سىىز دۇنيا نۇپۇسىنىڭ %50 نى ئىگىلەيدىغان بايلار قاتارىغا كىرەلەيسىز.ئەمما 3650 دوللار لوندونلۇقلار ھەر ئايدا تۆلەيدىغان بىر ئايلىق ئۆي ئىجارە ھەققى بولۇشى، ياكى نۇرۋېگىيىدىكى بىر ئادەمنىڭ ئايلىق ئىش ھەققى بولىشى، ۋە ياكى ھىندىستاندىكى بىر ئاددى پۇقرانىڭ بىر يىللىق ئىش ھەققى بولىشى مۇمكىن.

ھالبۇكى، 77 مىڭ دوللار پۇل بىر لوندونلۇقنىڭ بىر ئۆمۈر ئىشلىتىدىغان ئاممىۋىي قاتناش خىراجىتى بولىشى، ياكى ئەنگىلىيىلىك ياشانغان كىشىلەرنىڭ كۈتۈنۈش خىراجىتى بولىشى، ۋە ياكى بۇ ناۋادا بىر ئادەم ھەر كۈنى بىر ئىستاكان قەھۋە ئىچسە شۇ ئادەم پۈتۈن ئۆمرىدە قەھۋە ئىچىشى ئۈچۈن سەرپ قىلىدىغان ئۇمۇمىي پۇلى بولىشى مۇمكىن.

ناۋادا راسىتنلا سىزنىڭ 77 مىڭ ئامېرىكا دوللىرى ( تەخمىنەن 478 مىڭ يۈەن خەلق پۇلى ) بايلىقىڭىز بولسا، ئۇنداقتا سىزنى تەبرىكلەيمەن. چۈنكى سىىز دۇنيا نۇپۇسىنىڭ %10 تىنى ئىگىلەيدىغان بايلار قاتارىغا ئوڭۇشلۇق كىردىڭىز.

ناۋادا سىزنىڭ 798 مىڭ دوللار بايلىقىڭىز بولسا سىزنى تېخىمۇ تەبرىكلەيمەن! چۈنكى سىز دۇنيادا نۇپۇسىنىڭ %1 نى ئىگىلەيدىغان بايلارنىڭ قاتارىدىن ئۇرۇن ئالدىڭىز. 798 مىڭ دوللار ئەنگىلىيەنىڭ ئوتتۇرچە ئۆي باھاسى ھەم شۇنداقلا دۇنيا بۇيىچە 1- دەرجىلىك باي بىلگەيتىسنىڭ 1 سائەتكە يەتمىگەن ۋاقتتا تاپالايدىغان پۇلى.

ئەمما بۇ 798 مڭ دوللار پۇل – گېرمانىيىلىك ئادەتتىكى بىر پۇقرانىڭ 25 يىللىق كىرىمى، ياكى رۇسىيىلىك بىر ئادەتتىكى پۇقرانىڭ 55 يىللىق كىرىمى ۋە ياكى ھىندىستانلىق بىر ئادەتتىكى پۇقرانىڭ 225 يىللىق كىرىمگە باراۋەر.