خەلق تورى 5- مارت خەۋىرى: باغداش تورىدىن: ئابلىمىت تەرجىمىسى

ئامېرىكا ئالەم بوشلۇقىنى تەكشۈرۈش تېخنىكا شىركىتى 4- مارت « ئوۋ بۈركۈتى 9- نومۇر » ناملىق توشۇغۇچى راكېتا ئارقىلىق بىر دانە ياۋروپا ئالاقە سۈنئىي ھەمراھىنى مۇۋەپپەقىيەتلىك قويۇپ بەرگەن، ئەمما كىشىنىڭ ئەڭ دىققىتىنى قوزغىغان راكېتانىڭ 1- ئۈگىسىنى دېڭىزغا چۈشۈرۈپ قايتۇرۇپ كېلىش سىنىقى يەنە بىر قېتىم مەغلۇبىيەت بىلەن ئاخىرلىشىپ، توشۇغۇچى راكېتانى قايتۇرۇپ كېلىشنىڭ قىينلىق دەرىجىسىنى يەنە بىر قېتىم كۆرسىتىپ بەرگەن.

ئامېرىكا شەرقىي قىسىم ۋاقتى 4- مارت چۈشتىن كېيىن سائەت 6 دىن 35 مىنۇت ئۆتكەندە ياۋروپا سۈنئىي ھەمراھ شىركىتىنىڭ SES-9 ناملىق سۈنئىي ھەمراھى « ئوۋ بۈركۈتى 9- نومۇر » ناملىق توشۇغۇچى راكېتا ئارقىلىق فىلورىدا شىتاتىدىكى ھاۋا ئارمىيە بازىسىدىن قويۇپ بېرىلدى. بۇ سۈنئىي ھەمراھ ئاسىيا رايونىدىكى ئابونتلارنى يۇقىرى سۈزۈكلۈكتىكى تېلېۋىزىيە سېگنالى ۋە تېز سۈرئەتلىك ئېنتېرنېت تور مۇلازىمىتى بىلەن تەمىنلەيدۇ.