ۋول كوچىسى گېزىتى تورىنىڭ 17-مارت خەۋىرى، باغداش تورىدىن ئەكبەر تەرجىمىسى:

بەيدۇ تور تېخنىكا شىركىتى ناھايىتى تېزلا ئامېرىكىدا شوپۇرسىز ئاپتوموبىل سىناق قىلىدۇ، بۇ بەيدۇ شىركىتىنىڭ 2018-يىلدىن ئىلگىرى سودا خاراكتېرىدىكى شوپۇرسىز ئاپتوموبىل چىقىرىش تىرىشچانلىقىنىڭ بىرى.

بەيدۇنىڭ باش ئالىمى ۋۇ ئېندا زىيارەتنى قوبۇل قىلغاندا بۇ ئۇچۇرنى ئاشكارىلىدى. بۇ بەيدۇنىڭ مۇھىم بىر قەدەم بېسىشى، بەيدۇ شىركىتى شوپۇرسىز ئاپتوموبىل جەھەتتە رىقابەتچىلىرىدىن ئېشىپ كەتمەكچى بولۇۋاتىدۇ ھەمدە ئامېرىكا كىرىمنېي جىلغىسىدىكى تېخنىكا مەركىزىنىڭ بايلىقىنى ئىشقا سېلىپ بۇ تىرىشچانلىقىنى ئىلگىرى سۈرمەكچى. بۇنىڭ بىلەن بىرگە، بەيدۇ يەنە ئامېرىكا ھۆكۈمىتى بىلەن تېخىمۇ ياخشى ماسلىشىشقا مۇراجىئەت قىلدى، بۇنى شوپۇرسىز ئاپتوموبىلنىڭ يولغا چىقىشىدىكى زۆرۈر شەرت ئىكەنلىكىنى ئېيتتى.

مەزكۇر پىلاننىڭ يادروسى ۋۇ ئېندا، ئۇ سۈنئىي ئەقىل ئالىمى، ستانفورد ئۇنىۋېرسىتېتىدا ئوقۇغان. Alphabetقارمىقىدىكى گۇگول شىركىتىدە ئىجادىي تەتقىقاتقا رەھبەرلىك قىلغان. ئۇمۇ توردا ئۆگىنىش شىركىتىCoursera Incنىڭ بىرلەشمە قۇرغۇچىسى.

15-مارت ئامېرىكا كېڭەش پالاتا سودا كومىتېتى شوپۇرسىز ئاپتوموبىل دۇچ كەلگەن باشقۇرۇش توسقۇنلۇقى ھەققىدە ئىسپات ئاڭلاشتىن ئىلگىرى، ۋۇ ئېندا ئىسپات سۆزى ئېلان قىلدى، ئۇ ھۆكۈمەتتىن ئاساسىي ئەسلىھەلەرگە سەل ئۆزگەرتىش كىرگۈزۈپ، شوپۇرسىز ئاپتوموبىلنى قوبۇل قىلىشقا مۇراجىئەت قىلدى.