يەرشارى تورى خەۋىرى | لەگلەك تورى تەرجىمىسى: يەرشارى ۋاقىت گېزىتى ئۇنۋېرسال خەۋىرى. "قىلچە مۇبالىغە قىلماستىن ئىيتىشقا بولىدۇكى، 65 ياشلىق شىمالىي ئاتلانتىك ئەھدى تەشكىلاتى ھەل قىلغۇچ پەيىتكە كىردى!" ئەنگىلىيە"كۈندىلىك تېلىگىرامما گېزىتى" دە 9 – ئاينىڭ 4 – كۈنى شۇنداق دېيىلگەن. سوغۇق مۇناسىۋەتلەر ئۇرۇشىدىن كېيىن غەرب ئەللىرى بۇنداق زور قىيىنچىلىققا دۇچ كېلىپ باققان ئەمەس. چوڭقۇر سىياسىي ئىختىلاپلار ش ئا ئە ت ئەزا دۆلەتلىرىنىڭ بىرلىكتە روسىيەگە تاقابىل تۇرۇش، دۆلەت مۇداپىيە ئاتچوتىنى ئاشۇرۇش قاتارلىق مەسىىلەر ئۈستىدە زىچ ھەمكارلىشىشغا توسالغۇ بولسىمۇ. بەخىتكە يارىشا، پۇتىننىڭ قاراملىقى ش ئا ئە ت نىڭ قاتتىق ئۇيقۇدىن ئويغىنىشىغا سەۋەب بولغان. ئالدىنقى كۈنى، فىرانسىيەنىڭ روسىيەگە "غەربىي شىمال بورىنى" دەرىجىلىك دېڭىز ۋە قۇرۇقلۇقتا ھۇجۇم قىلغۇچى ئۇرۇش پاراخۇتىغا بولغان تۆلەمنى توختىتىشى ش ئا ئە ت نىڭ ئۇيۇشۇش كۈچىنى نامايەن قىلغان. روسىيە"نۇقتىئنەزە گېزىتى" پۇتىن ش ئا ئە ت گە رولىنى جارىي قىلدۇرىدىغانغا پۇرسەت يارىتىپ، مەۋجۇتلىقىغا مەنا ئاتا قىلدى" دەپ خەۋەر قىلغان.

"9 – ئاينىڭ 4 – كۈنى، كۆپچىلىك بۇ كۈننى ھەرگىز ئۇنۇتمايدۇ. چۈنكى بۇ يېڭى سوغۇق مۇناسىۋەتلەر ئۇرۇشىنىڭ باشلىنىشى" - " گېرمانىيە "ئەينەك" ھەپتىلىك ژۇرنىلىدا شۇنداق دېيىلگەن. گېرمانىيە تېلىۋىزىيسى 1 – قانىلىدا، غەرب ئارقىمۇ – ئارقا پۇتتىننىڭ بوزەك قىلىشىغا قاراپ تۇرالمايدۇ، پۇتىننىڭ "دوست ئەمەس ئەكىسچە دۈشمىنىمىز " ئىكەنلىكىنى چوقۇم تونۇپ يېتىشىمىز لازىم. ش ئا ئە ت ئەزا دۆلەتلىرى جەزمەن دۆلەت مۇداپىيە سېلىنمىسىنى كۆپەيتىشىمىز زۆرۈر. لاس مۇسىن "ۋال سترېت كوچىسى گېزىتى" دە ماقالە ئىلان قىلىپ، ش ئا ئە ت نىڭ چوقۇم 1 مىليارد تىن ئارتۇق خەلقنى قوغداش مەجبۇرىيىتىنى ئۈستىگە ئېلىشى كېرەكلىكىنى تەكىتلىگەن.

"ئوكرائىنامۇ ش ئا ئە ت نىڭ بىر ئەزاسى" ، ئوكرائىنا زۇڭلىسى ياسەينېك ئالدىنقى ھەپتە يېغىندا سۆز قىلىپ ئوكرائىنانىڭ ش ئا ئە ت گە كىرىشتىن قەتئىي ۋاز كەچمەيدىغانلىقىنى بىلدۈرگەن. فىرانسىيە ئاگېنىتلىقى، ش ئا ئە ت ئەزالىرى يىغىلىشىدا كىيېۋنىڭ يەنە ش ئا ئە ت گە كىرىشكە ئۇرۇنۇۋاتقانلىقىنى خەۋەر قىلغان. رافلوف بۇنى قاتتىق ئەيىبلەپ: "بارچە تىرىشچانلىقلىرىمىز ئارقىلىق كىيېۋ بىلەن بۆلگۈنچى قوراللىقلارنىڭ ئارىسىنى مەڭگۈلۈك ھەل قىلماقچى بولۇۋاتقىنىمىزدا، كىيېۋنىڭ ش ئا ئە ت گە كىرىشنى مۇراجەت قىلىشى، ئېنىقكى، سۆھبەتنى بۇزۇشقا ئۇرۇنۇشتىن باشقا ئىش ئەمەس " دېگەن. شۇ كۈنى، ئوكرائىنا خەۋەر تورى قاتارلىق تاراتقۇلاردا رافلوفنىڭ يېڭى تەكلىپى خەۋەر قىلىنغان: 100 مىليۇن ياۋرۇ ئاجىرىتىپ روسىيە – ئوكرائىنا چىگرىسىدا 2000 كىلومىتىرغا سوزۇلغان ئايرىش سېپىلى سوقۇش. ئوكرائىنا مالىيە مىنىستىرى نۆۋەتتە بۇ سېپىلنى سوقۇشنىڭ پەقەت بىر پىلان ئىكەنلىكىنى، زۇڭلىنىڭ سېپىلنى تەپسىلىي قانداق سوقماقچى بولۇۋاتقانلىقى تېخى نامەلۇم ئىكەنلىكىنى ئىيىتقان. بىراق ئۇ "بىزگە ھەقىقەتەن قوغدىنىش زۆرۈر" دېگەن.