ياپونىيە مۇداپىئە ۋازارىتى 21-ئۆكتەبىر، ياپونىيە بىلەن ئامېرىكىنىڭ 11-ئاينىڭ 8-كۈنىدىن 19-كۈنىگىچە خەنجەر ناملىق چوڭ كۆلەملىك ھەربىي مانىۋېر ئۆتكۈزدىغانلىقىنى جاكارلىدى. مۇداپىئە ۋازارىتىنىڭ خەۋىرىگە ئاساسەن، بۇ قېتىمقى ھەربىي مانىۋېرىنىڭ مەقسىتى ئارالنى قولغا كەلتۈرۈش قاتارلىق ئالاقىدار تېمىلاردا مەشق قىلىش ئىكەن.

ياپونىيە قوغدىنىش قىسىمىنىڭ 3 مىڭ 700 ئەسكىرى، 25 ھەربىي پاراخوتى ۋە 250 ئايروپىلانى مانىۋېرغا قاتنىشىدىكەن، ئامېرىكا ئارمىيەسىنىڭ يەتتە ھەربىي پاراخوتى، تىنچ ئوكيان ھاۋا ئارمىيەسى، ئوكىناۋادا تۇرۇشلۇق 3-دېڭىز ئارمىيەسىنىڭ قۇرۇقلۇقتا جەڭ قىلغۇچى قىسمى قاتارلىق تەخمىنەن 10 مىڭ ئەسكىرى كۈچى مانىۋېرغا قاتنىشىدىكەن.

ياپونىيە كيودو ئاگېنتىلىقىنىڭ خەۋەر قىلىشىچە: شۇ ۋاقىتتا ئۆتكۈزۈلىدىغان ئوكىناۋا ناھىيەسىنىڭ سايلىمىغا تەسىر يىتىشىدىن ساقلىنىش ئۈچۈن، بۇ يىللىق مانىۋېر ئوكىناۋا بازىسىدىن باشقا جايدا ئۆتكۈزۈلىدىكەن.