2016-يىلى 3-ئاينىڭ 17-كۈنى ئەتىگەن سائەت يەتتە ئەتراپىدىكى ئىشقا چىقىش ۋاقتىدا، شېنجېندىكى مەلۇم يول بۆلىكىدە بىر ئايال قىزى بىلەن توكسىكلىتتا كېتىۋېتىپ ئېھتىياتسىزلىقتىن يىقىلىپ چۈشۈپ، باش قىسىمى ئېغىر يارىلانغان. يېقىلغان چاغدا ئايال بالىسىنى قوغداپ قالغان بولۇپ، بالىسىدا چوڭ مەسىلە يوق ئىكەن. 

يولدىن ئۆتۈپ كېتىۋاتقان بىر كوچا ئاپتوبۇسىنىڭ خىزمەتچىلىرى ئايالنىڭ يىقىلىپ چۈشكەنلىكىنى كۆرۈپ، دەرھال ماشىنىدىن چۈشۈپ قۇتقۇزۇش ئېلىپ بېرىپ، ساقچىغا مەلۇم قىلغان ھەمدە قورقۇپ كەتكەن قىزچاقنى كۆتۈرۈپ، قۇتقۇزۇش ماشىنىسىنى ساقلىغان.

ئۇزۇن ئۆتمەي قۇتقۇزۇش ماشىنىسى يېتىپ كېلىپ، ئانا-بالىنى دوختۇرخانىغا ئېلىپ كەتكەن. ئايالنىڭ ئۆزى يىقىلىپ چۈشكەنلىكى ياكى سوقۇۋېتىلگەنلىكى يەنىمۇ تەكشۈرۈلمەكتە ئىكەن.