ئىختىيارىي مۇخبىرىمىز مەتقاسىم جامال خەۋىرى، فوتوسى: كېرىيە ناھىيەسىنىڭ 22-نۆۋەتلىك ئاز سانلىق مىللەتلەر ئەنئەنىۋىي تەنھەرىكەت مۇسابىقىسى 21-، 22-، 23-مارت كۈنلىرى ئۆتكۈزۈلدى.
مۇسابىقىنىڭ باشلىنىش مۇراسىمىدا، ھەرقايسى يېزا-بازارلاردىن كەلگەن كوماندىلاردىكى ماھىرلار مىللىيچە كىيىم-كېچەكلەرنى كىيىپ، ئۆز جايلىرىنىڭ ئالاھىدىلىككە ئىگە قول ھۈنەرۋەنچىلىك بۇيۇملىرى، يېزا ئىگىلىك مەھسۇلاتلىرىنى كۆرگەزمە قىلىپ پاراتتىن ئۆتتى.
19 كوماندىدىن كەلگەن 1280 ماھىر ئىت تالاشتۇرۇش، توخۇ سوقۇشتۇرۇش، ئەر-ئاياللارنىڭ 1500 مېتىرغا يۈگۈرۈش، مىللىيچە چېلىشىش، بۇقىچىلاپ ئارقان تارتىشىش، 1000، 3000، 5000 مېتىرلىق ئات بەيگىسى، ئات يورغىلىتىش، 2000 مېتىرلىق تۆگە چاپتۇرۇش، ياغاچ كېسىش، مەررە توپ، گاگا ئويۇنى، ئىلەڭگۈچ ئۇچۇش، ئوغلاق تارتىشىشى قاتارلىق تۈرلەر بويىچە كەسكىن مۇسابىقىلەشتى.