شىنخۇا تورى 18- مارت خەۋىرى: باغداش تورىدىن: ئابلىمىت تەرجىمىسى

پاكسىتاننىڭ سابىق زۇڭتۇڭى مۇشەررەف 18- مارت ئايروپىلان بىلەن دۇبەيگە يېتىپ كەلدى. بۇندىن ئىلگىرى ئالىي خەلق سوت مەھكىمىسى ۋە فېدېراتسىيە ھۆكۈمىتى ئۇنىڭ چېگرىدىن چىقىشىنى چەكلەش بۇيرۇقىنى ئەمەلدىن قالدۇرغان ئىدى.

مۇشەررەف رەھبەرلىك قىلغان « پاكىستان مۇسۇلمانلىرى مەملىكەتلىك ئىتتىپاقى »نىڭ بىر رەھبىرى مۇنداق دېدى: مۇشەررەف شۇ كۈنى كاراچىدىن بىر شەخسىي ئاۋىئاتىسيە شىركىتىنىڭ ئايروپىلانغا ئولتۇرۇپ دۇبەيگە يېرىپ باردى، ئۇ دۇبەيدە كېسىلىنى داۋالىتىدۇ.

مۇشەررەف بىلەن بىر ئايروپىلانغا ئولتۇرغان تاراتقۇ خادىمىمۇ بۇ ئۇچۇرنىڭ راستلىقىنى دەلىللىگەن. ئىگىلىنشىچە، مۇشەررەف دۇبەيگە يېتىپ بارغاندىن كېيىن، ئۇنىڭ شۇ جايدىكى تۇرالغۇسىغا قاراپ يولغا چىققان.

مۇشۇ ئاينىڭ 16- كۈنى پاكىستان ئالىي خەلق سوت مەھكىمىسى مۇشەررەفنىڭ چېگرىدىن چىقىپ داۋالىنىش ئىلتىماسىنى قوبۇل قىلىپ، ئۇنىڭ چېگرىدىن چىقىشىنى چەكلەش بۇيرۇقىنى ئەمەلدىن قالدۇرغان. بۇندىن ئىلگىرى مۇشەررەفنىڭ ئادۋوكاتى مۇشەررەفنىڭ دۈمبە قىسىمىنىڭ ئاغىرىۋاتقانلىقىنى ئۇنىڭ ئۈسىتىگە دۆلەت ئىچىدە ئۇنىڭ كېسىلىنى داۋالىتىش شارائىتى يوقلىقىنى باھانە قىلىپ، سوت مەھكىمىسىدىن مۇشەررەفنىڭ چېگرىدىن چىقىشىنى چەكلەش بۇيرۇقىنى ئەمەلدىن قالدۇرۇشنى تەلەپ قىلغان.