12-ئاينىڭ 21-كۈنى، كورىيە پۇتبولچىلار ئۇيۇشمىسى ئۆز ئورگان تورىدا، 2015-يىللىق ھەرقايسى تۈردىكى مۇكاپات نەتىجىسىنى ئېلان قىلدى. كىشىلەرنى ئەڭ جەلپ قىلغان «ئەڭ مۇنەۋۋەر ئەر پۇتبولچى» مۇكاپاتى ئېنگىلاند دەرىجىدىن تاشقىرى پۇتبول بىرلەشمىسىدىكى توتىنھام رېس كوماندىسدا توپ تېپىدىغان داڭلىق توپچى سۈن شىڭمىنغا مەنسۇپ بولدى. جۇڭگو دەرىجىدىن تاشقىرى بىرلەشمىسىدىكى گۇاڭجۇ خېڭدا كوماندىسىنىڭ ماھىرى Kim Young-Gwon بۇ مۇكاپاتتا سەككىزىنچى بولدى.

  2015-يىللىق كورىيە پۇتبول ھەرقايسى تۈردىكى مۇكاپات باھالاشقا 2242 نەپەر توپ مەستانىسى قاتناشقان ۋە بېلەت تاشلاش ئارقىلىق تاللاپ چىقىلغان بولۇپ، ئاخىردا سۈن شىڭمىن %29.2 قوللاشقا ئېرىشىپ ئېنگىلاندتىكى سىۋانسىي كوماندىسىنىڭ ماھىرى چى چېڭپۇ قاتارلىق بىر نەچچە توپچىدىن ئېشىپ بۇ شەرەپكە مۇيەسسەر بولغان. گۇاڭجۇ خېڭدا ماھىرى Kim Young-Gwon پەقەت 17 بېلەتكە ئېرىشكەن. ئەڭ مۇنەۋۋەر ئايال تەنھەركەتچىلارنى باھالاشتا ئېنگىلاندنىڭ چېلسى ئاياللار پۇتبول كوماندىسدا توپ تېپىدىغان چى شىياۋرەن %39.9 بېلەتكە ئېرىشىپ بۇ مۇكاپاتقا نائىل بولغان. ھازىر ئاسىيادا بىرىنچى ئورۇندا دەپ تەرىپلىنىۋاتقان سۈن شىڭمىن بۇ شەرەپكە ھەقىقەتەن ماس كېلىدۇ، بۇ يىلدىكى ئاسىيا لوڭقىسىنى تالىشىش ھەل قىلغۇچ مۇسابىقىدە كورىيە پۇتبول كوماندىسى بىلەن ساھىبخان ئاۋىستىرالىيە پۇتبول كوماندىسى كەسكىن تۇتۇشتى. مۇسابىقىنىڭ 90-مىنۇتىدا، سۈن شىڭمىننىڭ كىرگۈزگەن يۇقۇرى سەۋىيەلىك توپى يىللىق ئەڭ قالتىس كىرگەن توپ بولۇپ باھالانغان.