روب بىرنەچچە يىلنىڭ ئالدىدىلا بۇ تەتقىقاتىنى باشلىۋەتكەن. ئۇ ئۆزى قول سېلىپ كۆزنىڭ ئورنىدا ئىشلەتكىلى بولىدىغان مىكرو تىپلىق سىنئالغۇ لايىھەلەپ چىققان. 2009-يىلى دەۋر ژۇرنىلى بۇ تەتقىقاتنى شۇ يللىق ئەڭ ئىلغار كەشپىيات دەپ باھالىغان ئىدى. روب ئۆزىنى "مېخانىك كۆز" دەپ ئاتايدۇ.

      ئۇنىڭ بۇ كۆزى ئادەتتىكى كۆز بىلەن ئىنتايىن ئوخشايدىغان بولۇپ، ئەمەلىيەتتە بۇخىل كۆزگە بىر دانە مىكرو تىپلىق سىن قوبۇللىغۇچ، بىردانە سىمسىز سىنئالغۇ سەپلىگەندىن باشقا روب يەنە ئۇنىڭغا بىردانە 3vلىق باتارىيە ئورناتقان. بۇنداق بولغاندا ئۇ سىنغا ئالغان كۆرۈنۈشلەر شۇ ۋاقىتنىڭ ئۆزىدە كومپىيۇتېرغا ئۇدۇللۇق يوللىنىپ تۇراتتى.

        سىنئالغۇ كامىرا روبنىڭ چوڭ مېڭە نېرۋا تالالىرىغا ئۇلانمىغان. بۇ ئۈسكۈنە روبنىڭ بۇ كۆزىگە قايتا يورۇقلۇق ئاتا قىلالمايدۇ. لىكىن روب قولىدىكى ئىكراندىن بۇ ئۈسكۈنە سىنغا ئىېۋالغان بارلىق كۆرۈنۈشلەرنى كۆرەلەيدۇ. يەنە كېلىپ كۈچىمەيلا ئۆچۈرۈپ-قوزغىتالايدۇ. روب "نيۇيورك پوچتاگېزىتى" مۇخبىرىنىڭ زىيارىتىنى قوبۇل قىلغاندا مۇنۇلارنى بىلدۈردى: "ئەمەلىيەتتە مىخانىكىلىق كۆز ئۇقۇمى ئاۋام مەدەنىيىتى ۋە فانتازىيەلىك ھېكايىلەردە كۆپ تىلغا ئىلىنىدىغان ئۇقۇم، بىر تاشقى كېسەللىكلەر دوختۇرىنىڭ ماڭا چاقچاق قىلىپلا، مېخانىكىلىق كۆز بېكىتىۋالساڭ بولغۇدەك، دېگىنى ھىلىمۇ ئېسىمدە "

       ئۇنىڭدىن باشقا روب يەنە "سىرلىق تور ئادىمى" پىروگراممىسىنىڭ باش پېرسوناژىمۇ بولدى. پىروگراممىدا ئۇنىڭ بۇ سىرلىق كۆزىنىڭ زىيارەت باش تېمىسى بولۇپ قالغانلىقىنى ئېيتىپ بەردى.

       بىراق باشقا مەخپىي سۈرەتكە تارتىدىغان سىنئالغۇ ئاپپاراتلارغا ئوخشاش، روبنىڭ بۇ سىرلىق كۆزىمۇ ئەخلاق نۇقتىسىدىن نۇرغۇن ئەندىشىلەرنى تۇغدۇرۇپ بېرەتتى. كىشىلەر ئۇنىڭ بۇسىرلىق كۆزىگە دۇچ كەلگىنىدە ئىككى خىل تەسىر پەيدا قىلىدۇ، دەسلەپتە قالتىستەك تۇيۇلغىنى بىلەن بىردەم قارىغاندا كىشىنى بىئارام قىلىدۇ.

بۇ سىرلىق كۆزمۇ ئۇچىۋالا مۇكەممەل ئەمەس، بۇ "تاشتەمەك"نى ئۇزۇن ئىشلەتكەندە ئۆزلۈگىدىن قىززىش ئالامىتى كۆرىلىدىغان بولۇپم شۇڭا روب نىڭ سىنغا ئېلىش ۋاقتى 3 مىنۇتتىن ئېشىپ كەتمەيدىكەن. روبنىڭ يەنە ئۇزۇنغا قالماي بۇ سىرلىق كۆزىنىڭ سىنغا ئېلىش ۋاقتىنى نەچچە سائەتكە ئاپىرىش ئارزۇسى باركەن.