25-ئاۋغۇست ئاپتونوم رايونلۇق باش ئىشچىلار ئۇيۇشمىسى 2015-يىللىق«ئالتۇن كۈز ئوقۇشقا ياردەم بېرىش» پائالىيىتى ئۆتكۈزدى. پائالىيەت مەيدانىدا بۇ يىل ئالىي مەكتەپكە ئۆتكەن قىيىنچىلىقى بار 30 نەپەر ئوقۇغۇچىلار ۋەكىلىگە 4000 يۇەندىن ئوقۇش ياردەم پۇلى تارقىتىلدى.

　　ئىگىلىنىشىچە، ئالتۇن كۈز ئوقۇشقا ياردەم بېرىش پائالىيىتىنىڭ ياردەم ئوبيېكتى ئاساسلىقى دۆلەتنىڭ ئوقۇشقا ياردەم بېرىشىگە ئېرىشەلمىگەن ياكى ئېرىشكەن بولسىمۇ، يەنىلا ياردەمگە مۇھتاج قىيىنچىلىقى بار ئىشچى-خىزمەتچىلەر ۋە قىيىنچىلىقى بار دېھقان پەرزەنتلىرى، بولۇپمۇ ئالىي ۋە ئوتتۇرا دەرىجىلىك كەسپىي مائارىپ باسقۇچىدا ئوقۇۋاتقان قىيىنچىلىقى بار ئىشچى-خىزمەتچىلەر پەرزەنتى ئىكەن. نۆۋەتتە، 140 مىڭ يۈەندىن ئارتۇق مەبلەغ توپلانغان بولۇپ، مۆلچەرلىنىشىچە، ئاپتونوم رايونىمىزدىكى 10 مىڭدىن ئارتۇق قىيىنچىلىقى بار ئىشچى-خىزمەتچىلەر ۋە دېھقان ئىشلەمچىلەرنىڭ ئالىي، ئوتتۇرا تېخنىكوملارغا ئۆتكەن پەرزەنتلىرىنىڭ مەكتەپكە كىرىشگە ياردەم بېرىلىدۇ.