«يەر شارى تورى خەۋىرى» ئەنگلىيە «مۇھاپىزەت گېزىتى»نىڭ 25- يانۋاردىكى خەۋىرىگە قارىغاندا، يېقىندا گىرېتسىيە يېرىم ئارىلىدىكى خەلقنى نوبېل تىنچلىق مۇكاپاتىنىڭ نامزاتلىقىغا كۆرسىتىشنى قوللاش توغرىسىدىكى بىر پارچە مۇراجىئەتنامە پۈتۈن يەر شارىغا تارقالغان بولۇپ، بۇ مۇراجىئەتنامىگە 300 مىڭدىن كۆپرەك تورداش ئىمزا قويغان. مۇراجىئەت قىلغۇچىلار بىردەك، گىرېتسىيە يېرىم ئارىلىدىكى نۇرغۇن خەلق ئۆزىنىڭ خىزمىتىنى بىر يانغا تاشلاپ قويۇپ، باشتىن-ئاخىر مۇساپىرلارنى قۇتقۇزۇش ئالدىنقى سېپىدە كۈرەش قىلىپ كەلمەكتە، ئۇلارنىڭ نوبېل تىنچلىق مۇكاپاتىنىڭ نامزاتلىقىغا كۆرسىتىلىش سالاھىيىتى بار، دەپ قارىغان.

       دۇنيانىڭ ھەر قايسى جايلىرىدىكى مۇراجىئەت قىلغۇچىلار ئارقا-ئارقىدىن بايانات ئېلان قىلىپ:«گىرېتسىيە يېرىم ئارىلىدىكى خەلق ئۆزلۈكىدىن تەشكىللىنىپ، ئوتتۇرا دېڭىزنى توغرىسىغا كېسىپ ئۆتمەكچى بولغان ئاشۇ مۇساپىرلارنى قۇتقۇزماقتا ھەمدە ئۇلارنى پاكىز يېمەكلىك، كىيىم-كېچەك ۋە تۇرالغۇ بىلەن تەمىنلىمەكتە شۇنداقلا ئۇلارنىڭ كەلگۈسىگە پىكىر-تەكلىپ بەرمەكتە» دېگەن. ئەنگلىيە «مۇھاپىزەت گېزىتى»دە:«ئۇلارنىڭ يۈكسەك بولغان ئۆز-ئۆزىنى تەقدىم قىلىش روھى ۋە ھېسداشلىقى تارىخقا خاتىرىلەنگۈسى» دېيىلگەن.

      نۆۋەتتىكى بەلگىلىمىلەرگە ئاساسەن، نوبىل مۇكاپاتىغا تەشكىلات ياكى شەخسلەر ئىلتىماس قىلسا بولىدىكەن، گىرېتسىيە يېرىم ئارىلى خەلق بەلكىم ھۆكۈمەتنىڭ نامى بىلەن نوبېل مۇكاپاتىغا نامزات قىلىنىشى مۇمكىنكەن. بۇنىڭ ئۈچۈن، گىرېتسىيە ھۆكۈمىتى ئامېرىكا، ئەنگلىيە ۋە دانىيەدىكى باشلامچى ئۇنىۋېرسىتېتلاردىن كەلگەن ئوقۇغۇچىلارنىڭ پۈتۈن كۈچى بىلەن قوللىشىنى ئۈمىد قىلىدىكەن. ئارگىنالى تەييارلىنىپ بولغان مۇراجىئەتنامىدە تىلغا ئېلىنغان گىرېتسىيە يېرىم ئارىلى خەلقنىڭ نوبېل مۇكاپاتىغا ئېرىشەلشىنىڭ تۆۋەندىكىدەك بىر قانچە سەۋەبى باركەن: ئاق كۆڭۈل، باتۇر، ئىنسانپەرۋەرلىك سۆيگۈسىنىڭ روھى بىلەن قىيىنچىلىقتا قالغان كىشىلەرگە ياردەم بەرگەن، ئۇلار پۈتۈن دۇنيانىڭ ئۈلگىسى.

نۆۋەتتە مەزكۇر مۇراجىئەتنامىگە دۇنيانىڭ ھەرقايسى جايلىرىدىن ئىمزا قويغان تورداشنىڭ سانى 300 مىڭغا يېقىنلاشقان.