مەملىكەتلىك خەلق قۇرۇلتىيى قانۇن كومىتېتى، مەملىكەتلىك خەلق قۇرۇلتىيى مۇھىت ۋە بايلىق كومىتېتى، مەملىكەتلىك خەلق قۇرۇلتىيى دائىمىي كومىتېتى قانۇن خىزمىتى كومىتېتى، گوۋۇيۈەن قانۇنچىلىق ئىشخانىسى، مۇھىت ئاسراش مىنىستىرلىقى بىرلىكتە ئۇيۇشتۇرغان ئاتمۇسفىرا بۇلغۇنىشىنىڭ ئالدىنى ئېلىش-تۈزەش يېڭى قانۇنىنى ئىزچىل يولغا قويۇش سۆھبەت يىغىنى تۈنۈگۈن بېيجىڭدا ئېچىلدى. مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن باشلىقى شېن يۆيۆ يىغىنغا قاتناشتى ھەمدە سۆز قىلدى. شېن يۆيۆ مۇنداق دەپ كۆرسەتتى: ئاتمۇسفىرا بۇلغۇنىشىنىڭ ئالدىنى ئېلىش-تۈزەش يېڭى قانۇنىنى ئۆگىنىش، تەشۋىق قىلىش خىزمىتىنى ياخشى ئىشلەپ، پۈتۈن جەمئىيەتنىڭ ئاتمۇسفىرا بۇلغىنىش مەسىلىسىنى ھەل قىلىشنىڭ جىددىيلىكى، جاپالىقلىقى، ئۇزاق مۇددەتلىكىگە بولغان تونۇشىنى ئۆستۈرۈش؛ ھۆكۈمەت، كارخانا، جەمئىيەتنىڭ ئالدىنى ئېلىش، تۈزەش مەسئۇلىيىتىنى قاتتىق ئەمەلىيلەشتۈرۈپ، قانۇن ئىجراسىنى كۈچەيتىپ، نۇقتىلىق ساھەلەردىكى بۇلغىنىشنىڭ ئالدىنى ئېلىش، تۈزەش، رايون خاراكتېرلىك بىرلىشىپ ئالدىنى ئېلىش، بىرلىشىپ تىزگىنلەش ۋە ھاۋانىڭ ئېغىر بۇلغىنىشىغا تاقابىل تۇرۇش خىزمىتىنى قانۇن بويىچە كۈچەيتىپ، پۈتۈن جەمئىيەتتە ئاتمۇسفىرا مۇھىتىنى قانۇن بويىچە قوغدايدىغان ياخشى كەيپىيات يارىتىش كېرەك.