ئەنگلىيە « كۈندىلىك پوچتا گېزىتى »نىڭ 19 -يانۋاردىكى خەۋىرىگە قارىغاندا، يېقىندا 1897-يىلى ئارگېنتىنادا تۇغۇلغان موماي سەلىنا 119 ياشلىق تۇغۇلغان كۈنىنى تەبرىكلىگەن، ئۇنىڭ ئائىلىسىدىكىلەرنىڭ ئېيتىشىچە، سەلىنا دۇنيا بويىچە ئەڭ ئۇزۇن ئۆمۈر كۆرگەن ئايال كىشى جېننىس دۇنيا رېكورتىنى بۇزۇپ تاشلاشقا تامامەن سالاھىيىتى توشىدىكەن، ئەمما جېننىس دۇنيا رېكورتىدا كۆرسىتىلىشىچە، دۇنيا بويىچە ئەڭ ئۇزۇن كۆرگەن ئايال كىشى فىرانسىيەلىك يانا كارىمان بولۇپ، ئۇ 122 يېشىدا ئالەمدىن ئۆتكەن ئىكەن.

   ئىگىلىنىشىچە، سەلىنانىڭ يولدىشى 20 ئەسىرنىڭ 60-يىللىرىدىلا ۋاپات بولغان بولۇپ، ھازىر ئۇ بىر ئوغلى بىلەن بىرگە ياشايدىكەن. ئۇ بۇ ئۆمرىدە 12 پەرزەنت كۆرگەن، بۇنىڭدىن سىرت ئۇ يەنە نۇرغۇنلىغان بالىلارنى بېقىپ چوڭ قىلغان ئىكەن. سەلىنانىڭ ئۇزۇن ئۆمۈر كۆرۈشتىكى سىرى ئاز يەپ، كۆپ ھەرىكەت قىلىش، كۆڭۈلنى توق تۇتۇپ، خوشال ياشاش ئىكەن.