رۇسىيە سۈنئىي ھەمراھ تورىنىڭ 13- دېكابردىكى خەۋىرىگە ئاساسلانغاندا، شۋىتسارىيە سەھەر گېزىتىنىڭ يېقىندىكى خەۋەرىدە ئېيتىلىشىچە، شۋېتساىيە نېفىت سودىگەرلىرى ئاۋارچىلىققا يولۇقىشى مۇمكىنكەن، چۈنكى ئۇلار دائىم تۈركىيە پورتى ئارقىلىق نېفىت ئىمپورت قىلغان، ئەمما ئىگىلىنىشىچە، « شام ئىسلام دۆلىتى » دەل ئۇلارنى قانۇنسىز نېفىت بىلەن تەمىنلىگۈچى ئىكەن.

      سەھەر گېزىتى ئېرىشكەن ھۆججەتتىن ئايان بولۇشىچە، شۋىتسارىيەدىكى كۆپلىگەن نېفىت سودىگەرلىرى تۈركىيەنىڭ جىيخاندىن نېفىت ئىمپورت قىلغان، ئەمما بۇ جاي دەل « شام ئىسلام دۆلىتى » قانۇنسىز نېفىت ساتىدىغان جايلارنىڭ بىرى ئىكەن. فرانسىيەنىڭ تېررروچىلارنىڭ مەبلەغ يۈرۈشتۈرىشىگە قارشى بىر مۇتەخەسسىسى مۇنداق دېگەن: شۋىتسارىيە نېفىت شىركىتىنىڭ « شام ئىسلام دۆلىتى »دىن نېفىت ئېمپورت قىلىش ئېھتىماللىقى ئىنتايىن يۇقىرى.

    « شام ئىسلام دۆلىتى » نېفىتنى تۈركىيەگە توشۇپ ئاپارغاندىن كېيىن، بۇ نېفىتلارنى تۈركىيەدىكى كۆپلىگەن پورتلارغا يۆتكەپ ئاپىرىدىكەن، ئۇلارنىڭ ئىچىدە جىخان پورتىمۇ بار ئىكەن. جىخان ئوتتۇرا دېڭىزغا جايلاشقان پورت بولۇپ، نېفىتنى بۇ جايدى ھەر قايسى دۆلەتتىكى خېرىدارلارغا سېتىش ناھايىتى قولايلىقكەن.