تاراتقۇلارنىڭ ئەڭ يېڭى خەۋىرىگە قارىغاندا، 2- ئاينىڭ 1- كۈنىدىن باشلاپ رۇسىيە نېفىت ئېكىسپورت تاموژنا بېجىنى ئەسلىدىكى ھەر توننىسىغا 73.3 دوللاردىن 52 دوللارغا تۆۋەنلەتكەن، تۆۋەنلىتىش چاستۇتىسى %29 كە يەتكەن. رۇسىيەدە ئېكىسپورت قىلىنىدىغان نېفىتنىڭ باھاسى ئۇلار ماركىلىق نېفىتنىڭ باھاسىنى ئاساس قىلىدىكەن. رۇسىيە مالىيە مىنىستىرلىكىنىڭ ئۇچۇرىغا ئاساسلانغاندا، 2015- يىلى 12- ئاينىڭ 15- كۈنىدىن، 2016- يىلى 1- ئاينىڭ 14- كۈنىگىچە، ئۇلار ماركىلىق ھەر باك خام نېفىتنىڭ ئوتتۇرچە باھاسى 32.46 دوللار بولغان. بىر ئاي ئىلگىرى ئۇلار ماركىلىق ھەر باك خام نېفىتنىڭ ئوتتۇرچە باھاسى 39.40 دوللار بولغان.

          شۇنىڭ بىلەن بىر ۋاقىتتا، رۇسىيە مالىيە مىنىستىرلىكى نېفىت مەھسۇلاتىدىن ئېلىنىدىغان ئېكىسپورت تاموژنا بېجىنىمۇ تۆۋەنلەتكەن. رۇسىيە ھۆكۈمىتى ئادەتتە ھەر ئايدا خەلىقئارا بازارنىڭ ئەھۋالىغا قاراپ، نېفىت ۋە نېفىت مەھسۇلاتى ئېكىسپورت تاموژنا بېجىنى بىر قېتىم تەڭشەيدىكەن. يېقىنقى يىللاردىن بېرى خەلقئارا نېفىت باھاسى زور دەرىجىدە چۈشۈپ كېتىپ، رۇسىيەنىڭ نېفىت ۋە تەبئىي گازدىن قىلىدىغان كىرىمىمۇ بارغانسېرى ئازىيىپ، رۇسىيە ئىقتىسادى ناھايىتى زور تۆۋەنلەش بېسىمىغا دۇچ كەلدى.