چەتئەل تاراتقۇلىرىنىڭ خەۋەر قىلىشىچە، بىر قېتىملىق ئەلرايى تەكشۈرۈشى ۋە ھۆكۈمەت سانلىق مەلۇماتىغا ئاساسلانغاندا، گەرچە ئەرزان ماي باھاسى ئامېرىكا خەلقىنىڭ خېلى كۆپ پۇلىنى تېجەپ قالغان بولسىمۇ، ئەمما ئامېرىكا ئىستىمالچىلىرىنىڭ بۇ تۈردىكى مەبلىغىنى ئىشلىتىش پۇزىتسىيىسى يەنىلا ئېھتىياتچان بولغان بولۇپ، كىشىلەر تېخىمۇ كۆپ پۇلىنى بانكىغا ئامانەت قويىدىغان بولغان، بۇ ئەرزان ماي باھاسىنىڭ ئامېرىكا ئىقتىسادىنى تەۋرىتىش ئۈنۈمىنىڭ ئىلگىرىكىدە ياخشى بولمايدىغانلىقىنى كۆرسىتىپ بېرىدۇ.

     ئامېرىكا سودا مىنىستىرلىكىنىڭ ئۇچۇرىدا كۆرسىتىلىشىچە، خام نېفىت باھاسى 2014- يىلدىن بۇيان %70 چۈشۈپ، ئامېرىكا ئاھالىلىرىنىڭ بېنزىن ۋە باشىقا ئېنېرگىيە مەھسۇلاتلىرى جەھەتتىكى بىر يىللىق چىقىمىنى 1150 دوللار ئازايتقان بولۇپ، بۇ ئامېرىكا ئىچكى ئىشلەپچىقىرىش ئومۇمىي قىممىتىنىڭ %0.5 تىگە تەڭ كېلىدىكەن.

    ئەمما ئوخشاش بىر مەزگىلدە ئامېرىكا ئاھالىسىنىڭ ئامانەت پۇلى 121 مىليارد دوللار كۆپەيگەن، گەرچە مەزكۇر سانلىق مەلۇماتلاردا بۇ مەبلەغلەرنىڭ قەيەردىن كەلگەنلىكى تىلغا ئېلىنمىغان بولسىمۇ، بىراق تەكشۈرۈشتە ماي باھاسى چىقىمىدىن قانچىلىك پۇل تېجىلىپ قالغانلىقى كۆرسىتىلگەن. زىيارەتنى قوبۇل قىلغان %40 تىن ئارتۇق كىشى ماي باھاسىنىڭ تۆۋەنلىكى سەۋەبىدىن تېجىلىپ قالغان بۇ پۇللارنىڭ ئۇلارنىڭ قەرز تۆلىشىگە ياردىمى تېگىدىغانلىقىنى بىلدۈرگەن.