پۇتبول تورى خەۋىرى، لەگلەك تورى تەرجىمىسى  بېيجىڭ ۋاقتى 10-ئاينىڭ 5-كۈنى كەچ سائەت 19 دا 2014-2015 مۇسابىقە پەسلى ئېنگىلاند دەرىجىدىن تاشقىرى بىرلەشمە مۇسابىقىنىڭ 7-ئايلانمىدىكى قىزىق نۇقتىلىق بىر مەيدان مۇسابىقىسى كونا تېررافۇد توپ مەيدانىدا ئۆتكۈزۈلدى. مانچىستىر بىرلەشمىسى كۇلۇبى ئۆز مەيدانىدا ئېۋىرتون كۇلۇبىنى كۈتىۋالدى.

ئالدىنقى يېرىم مەيداندا دىمارىيا ماتانىڭ بەرگەن چىرايلىق پاسنى ئېلىپ توپنى ۋاراتارغا كىرگۈزدى. لۇكا قارشى تەرەپكە بىر نۇقتا توپ سوۋغا قىلدى. بىراق دېھيا بىئېنسنىڭ تەپكەن نۇقتا توپىنى توسىۋالدى. كېيىنكى يېرىم مەيداندا شىمىس بىئېنس بەرگەن پاسنى ئېلىپ توپنى ۋاراتارغا كىرگۈزۈپ نەتىجىنى تەڭلەشتۈردى. فالكاۋ مانچىستىر بىرلەشمە كۇلۇبىغا قوشۇلغاندىن بۇيانقى تۇنجى توپنى كىرگۈزۈپ يەنە ئۈستۈنلۈكنى ئېگەللىدى.

مۇسابىقىنىڭ ئاخىرىدا دېھيا ئۆزىنىڭ قالتىس ئىپادىسى ئارقىلىق كوناندىنىڭ تۇلۇق ئۈچ نومۇر ئېلىشىغا تۆھپە قوشتى. ئاخىرىدا مانچىستىر بىرلەشمە كۇلۇبى 2-1 نەتىجە بىلەن ئېۋىرتون كۇلۇبىنى مەغلۇپ قىلدى.

مانچىستىر بىرلەشمە كۇلۇبىغا قوشۇلغاندىن بۇيانقى تۇنجى توپىنى كىرگۈزگەن فالكاۋ 7.9 نومۇرغا ئېرىشتى. كۆپ قېتىم قالتىس ئىپادىسى بىلەن قارشى تەرەپنىڭ خەتەرلىك توپلىرىنى توسىۋاغان قاپقاۋۇل دېھيا 8.0 بولغا يۇقىرى نومۇرغا ئېرىشتى. پۈتۈن مەيداندىكى ئەڭ يۇقىرى نومۇر بىر ياردەمچى پاس بىرىپ بىر توپ كىرگۈزگەن دىمارىياغا بېرىلدى. يەنى 9.4 نومۇر!

مانچىستىر بىرلەشمىسى كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار: دېھيا، لافىر، ماكىنىل، روخ، لۇكا، بۇرىند، ۋالۇنسىيا، دىمارىيا، ماتا، ۋان پېرسى، فالكاۋ.