ئەنگىلىيە تاراتقۇلىرىنىڭ خەۋىرىگە قارىغاندا، فىرانسىيەلىك بىر ئايال يېقىندا قاتناش ۋەقەسىدە قازا قىلغان بولغۇسى ئېرى بىلەن توي مۇراسىمى ئۆتكۈزگەن بولۇپ، مۇراسىمدا يىگىتنىڭ ئورنىغا يىگىتنىڭ رەسىمى قويۇلغان. بىر يىل بۇرۇن ئۇنىڭ يىگىتى قاتناش ۋەقەسىگە ئۇچراپ قازا قىلغان. ئېچىنىشلىق ئاقىۋەت شۇكى، ئىككى كۈن بۇرۇن 25 ياشلىق بۇ قىز ئۆزى بىلەن تەڭ ياشتىكى قازا قىلغان يىگىتى بىلەن توي قىلىش ئۈچۈن شەھەرلىك ھۆكۈمەتكە ئىلتىماس سۇنغان. فىرانسىيە قانۇنىدا ئېنىق بەلگىلەنگەن مۇنداق بىر بەلگىلىمە بار بولۇپ، يەنى پەقەت ئىككى تەرەپنىڭ ھايات ۋاقتىدا توي قىلىشقا پۈتۈشكەنلىكىنى ئىسپاتلاپ بېرەلىسىلا، بىر تەرەپنىڭ ھايات بولماسلىقى ئۇلارنىڭ توي قىلىشىغا تەسىر كۆرسەتمەيدىكەن. فىرانسىيە زۇڭتۇڭى ساركوزى بۇ مۇراسىمغا ئالاھىدە ئىجازەت بەرگەن بولۇپ، مەزكۇر شەھەرنىڭ شەھەر باشلىقىمۇ ئۇلارنىڭ تويىغا ئۆزى رىياسەتچىلىك قىلغان.