ئىلگىرى بىرەيلەن مىسىر زوڭتۇڭى مورسىدىن: ‹‹ ئەگەر مىليونلىغان كىشىلەر نامايىش قىلىپ ، سىزدىن تەخىتتىن چۇشۇشنى تەلەپ قىلسا، قانداق قىلىسىز؟›› دەپ سورىغاندا، مورسى ئىككىلەنمەستىن :‹‹ مۇنداق ئەھۋالنىڭ يۈز بېرىشى مۇمكىن ئەمەس›› دەپ جاۋاپ بەرگەن ئىدى. لېكىن، ئەمەلىيەت مورسىنىڭ خاتالاشقانلىقىنى ئىسپاتلىدى.

2011 - يىلى، مىسىرنىڭ سابىق زۇڭتۇڭى مۇبارەك تەختتىن چۈشۈپ، 2012 - يىلى مورسى تەختكە چىقتى. بۇ يىل 6-ئاينىڭ 30-كۈنى، ئۇنىڭ ھوقۇق تۇتقىنىغا بىر يىل بولغان كۈندە، نەچچە مىلىيۇن ئادەم كوچىغا چىقىپ نامايىش قىلدى، ئۈچ كۈندىن كېيىن، ھەربىي تەرەپ مورسىنىڭ تەختتىن چۈشكەنلىكىنى جاكارلىدى. نېمە ئۈچۈن ئەينى ۋاقىتتا يۈكسەك ئابرۇيغا ئىگە، شۇنداقلا خەلق تەرىپىدىن سايلاپ چىقىلغان بۇ زۇڭتۇڭ تەختكە چىقىپ بىريىل ئۆتكەندىن كېيىن، مىسىردا يەنە بىر قېتىم نەتىجىسى تېخىچە نامەلۇم بولغان قالايمىقانچىلىق يۈز بېرىدۇ؟

ئىقتىسادنىڭ كاسادلىشىشى بۇنىڭدىكى ئاساسلىق سەۋەب. مورسى زۇڭتۇڭلۇققا سايلانغاندىن كېيىن، .ئىقتسادنىڭ تۆۋەنلەش يۈزلىنىشىنى توسۇپ قالالمىدى. پۇل پاخاللىشىش ئاشقاندىن كېيىن، باشقا ئىقتىسادىي كۆرسەتكۈچلەرنىڭ ھەممىسى تۆۋەنلەپ، تۆتتىن بىردىن كۆپرەك ئادەم نامراتلىق چېكىدىن تۆۋەن ئەھۋالدا تۇرمۇش كەچۈرۈشكە مەجبۇر بولدى، مىسىر 80 نەچچە يىلدىن بۇيانقى ئەڭ ئېغىر ئىقتىسادىي كىرزىسقا دۇچ كەلدى.

سىياسىي زىددىيەت مىسلىسىز كۈچەيدى. مورسىنىڭ تەختتىن چۈشىشىگە ئۇنىڭ ھەربىي كۈچلەرنى رەنجىتىپ قويغانلىقى سەۋەب بولدى. مىسىردا ھەربىيلەر دۆلەتنىڭ سياسىي، ئىقتىسادىي تۇرمۇشىدا مۇھىم رولغا ئىگە. مورسىدىن بۇرۇنقى مىسىر زۇڭتۇڭلىرىنىڭ ھەممىسى ھەربىي بولۇپ، مىسىردا ھەربىي كەسپلەر دۆلەت GDP سىنىڭ %8 نى ئىگىلەيدۇ.

مورسى تەختكە چىققاندىن كېيىن، ھەربىي كۈچلەرنى پۈتۈن كۈچى بىلەن چەتكە قېقىپ، ئۇلارنىڭ نارازلىقىن قوزغاپ قويدى. سىياسىي جەھەتتىكى ئىچكى سەرپىيات، مورسىنىڭ ئىجتىمائىي ئادىللىق، چىرىكلىككە قارشى تۇرۇش، خەلق تۇرمۇشىنى ياخشىلاش جەھەتلەردىكى بەرگەن ۋەدىلىرىنى ئىشقا ئاشۇرۇشىغا توسقۇنلۇق قىلدى.

بۇنىڭدىن سىرت، مورسىنىڭ دىنىي مەيدانى تۈپەيلى، مىسىر ئاياللىرى مىڭ تەسلىكتە قولغا كەلتۈرگەن ھوقۇقىدىن يەنە مەھرۈم بولدى. مەسىلەن، قىزلار توي قىلىش يېشىنى 18 ياشتىن توققۇز ياشقا تۆۋەنلىتىش قاتارلىقلار.

نۇرغۇن ئاياللارنىڭ نەزىرىدە، ھەربىيلەرنىڭ ئىستىبداتلىقىغا قارشى چىققان مورسىى يەنە ئىستىبداتقا ئايلىنىپ قالدى.

مورسى تەختكە چىققاندىن كېيىن، چىقارغان ئەڭ ياخشى قارار توغرىسىدا سورالغاندا، %73 ئادەم ئۇنى ھېچقانداق ياخشى قارار چىقىرىپ باقمىغان دەپ قارىغان. بۇ توغرىسىدا، مورسىنىڭ قوللىغۇچىسى، مۇسۇلمان قېرىنداشلار ئۇيۇشمىسىنىڭ يۇقىرى دىرىجىلىك بىر ئەمەلدارى:‹‹ مورسى خەلققە تايىنىپ قەد كۆتۈرگەن، ئۇنىڭ خەلق بىلەن قارىمۇقارشى مەيداندا تۇرۇپ قېلىشىنى ئويلاپ باقمىغانىدىم ›› دەيدۇ.