خېچۈەن چىڭپىڭ بازىرى چادىيەن كەنتىدىكى ئامبۇلاتورىيە، 110-نومۇرلۇق ئۆلكىلىك تاشيولنىڭ يېنىغا جايلاشقان. بۇ ئامبۇلاتورىيەدە ئىككى پۇتى يوق بولغان بىر ئايال دوختۇر بار بولۇپ، ئۇ ماڭغاندا ئىككى قولىغا ئىككى ئورۇندۇقنى ئېلىپ ماڭىدىكەن. بۇنى كەنتتىكىلەر ناھايىتى نورمالدەك ھېس قىلىدىغان بولۇپ قالغان. بۇ 37 ياشلىق ئايال دوختۇر لى جۈخوڭ بۇ يەردە خەلق ئۈچۈن مۇلازىمەت قىلىۋاتقىلى 15 يىل بولغان. 15 يىلدىن بۇيان ئۇ 24 ئورۇندۇقنى ئۇپراتقان بولۇپ، ئالتە مىڭ قېتىمدىن ئارتۇق ئاسما ئوكۇل ئۇرغان. 

      1983-يىلى 3-ئاينىڭ مەلۇم بىر كۈنى چۈشتىن كېيىن، تۆت ياشلىق لى جۈخوڭ يەسلىدىن قايتىۋاتقاندا، بىر چوڭ يۈك ماشىنىسى سوقۇۋەتكەن. ئىككى پۇتى كېسىۋېتىلگەندىن كېيىن، ئۇنىڭ پۇت قىسمى ئاران ئۈچ سانتىمېتىر قالغان. سەككىز يېشىدىن باشلاپ ئۇ كىچىك ئورۇندۇقنى تايىنىپ مېڭىشنى ئۆگەنگەن. 2000-يىلى، ئۇ كەسپىي كەسپىي مەكتەپتە ئوقۇپ مەخسۇس كۇرس دىپلومىغا ئېرىشكەن. 2001-يىلىدىن باشلاپ، ئۇ ۋادىيەن كەنتىدىكى ئامبۇلاتورىيەدە ئىشلەشكە باشلىغان.

         200-يىلى يىل بېشىدا، لى جۈخوڭ يېزا-كەنت دوختۇرى بولۇپ ئىككىنچى يىلى، قوشنىلارنىڭ تونۇشتۇرۇشى بىلەن ئۇ ئۆزىدىن ئىككى ياش چوڭ بولغان لىيۇ شىڭيەن بىلەن تونۇشقان ۋە توي قىلغان. تويدىن كېيىن ھەممە ئۆي ئىشلىرىنى يولدىشى قىلغان، يولدىشى ھەتتا كېيىن ئۆزىنىڭ ئەينەك زاۋۇتىدىكى خىزمىتىدىن ئىستىپا بەرگەن. ئۇلارنىڭ ئۆيى بىلەن ئامبۇلاتورىيەنىڭ ئارىلىقى 500 مېتىردەك كېلىدىغان بولۇپ، ئەگەر ئىككى كىچىك ئورۇندۇققا تايىنىپ يولغا چىقسا، لى جۈخوڭ يېرىم سائەتتە ئاندىن ئامبۇلاتورىيەگە كېلىدىكەن. بىخەتەرلىكنى ئويلىشىپ، يولدىشى ئۆيدە بولسىلا ئايالىنى ئاپىرىپ-ئەكىلىدىكەن.

     ۋادىيەن كەنتىدىكى 300 نەچچە ئائىلىدىكى مىڭدىن ئارتۇق كىشىنىڭ سالامەتلىكى لى جۈخوڭغا قاراشلىق ئىكەن. 15 يىلدىن بۇيان، ئەتتىگەن بېرىپ ئىشىكنى ئېچىش ئاللىقاچان ئۇنىڭ ئادىتىگە ئايلانغان. چۈشتە، لى جۈخوڭ چۈشتىن كېيىنلىك دورىلارغا تەييارلىق قىلماقتا.

      چۈشلۈك تاماقتىن كېيىن، لى جۈخوڭنىڭ يولدىشى ئۇنى يۈدۈپ تاغقا چىقىپ داۋالاشتىن كېيىنكى بىمارنى يوقلىغان. بۇ كەنتتە 60 ياشتىن يۇقىرى ياشانغانلار ئومۇمىي نوپۇسىنىڭ بەشتىن بىرىنى ئىگىلەيدىكەن. بەزى ياشانغانلارنىڭ ھەرىكەت قىلىشى ئەپسىز بولغاچقا، دوختۇرنىڭ ئىشىك ئالدىغىچە بېرىشىغا توغرا كېلىدىكەن. ئۇنىڭ ئۈستىگە داۋالىنىشتىن كېيىنكى يوقلاش مۇلازىمىتىدە دوختۇرنىڭ ئۆزى بېرىپ دىئاگنوز قويۇشى تەلەپ قىلىنىدىكەن. ۋادىيەن كەنتى تاغ تىزمىلىرىنىڭ چوڭقۇر قاتلاملىرىغا جايلاشقان بولۇپ، بۇ يەرگە بىر مېيىپ دوختۇرنىڭ چىقىشى ئىنتايىن قولايسىز ئىكەن. شۇڭا ئۇنىڭ يولدىشى بۇنداق چاغلاردا ئۇنى يۈدۈپ ئېلىپ چىقىدىكەن.

      چۈشتىن كېيىن، لى جۈخوڭ بىر ياشانغان كىشىنىڭ ئۆيىگە بېرىپ سالامەتلىك تەكشۈرۈشى قىلغان. مەزكۇر ئامبۇلاتورىيەنىڭ باشلىقى ئۆزىنىڭ ئۇنىڭ ئورنىدا بولسا داۋاملاشتۇرۇش مۇمكىنچىلىكى ناھايىتى تۆۋەنلىكىنى ئېيتقان. ئامبۇلاتورىيەنىڭ ئىستاتىستىكا قىلىشىچە، ئۇ 15 يىلدا كىشىلەرگە ئالتە مىڭ قېتىمدىن ئارتۇق ئاسما ئوكۇل ئاسقان. ئلى جۈخوڭنىڭ ئېيتىشىچە، بۇ ئىشلارنى ئۆزىنىڭ مەجبۇرىيتى دەپ قارايدىكەن ھەم بۇ خىزمەتنى يەنە داۋاملىق ئىشلەيدىكەن.