بېيجىڭ توڭجوۋ رايونىدىكى بىر رېستۇراندا پارتىلاش يۈز بېرىپ، بىر ئادەم ئۆلۈپ 11ئادەم يارلانغان.

جىڭخۇا ۋاقىت گېزىتى تورىنىڭ بۈگۈن ئەتىگەنكى خەۋىرىدىن قارىغاندا، بۈگۈن ئەتىگەن سائەت 7:15 ئۆتكەندە،بېيجىڭ توڭجوۋ رايونى لىيۈەن بازىررىغا يېقىن بىر رېستۇرانغا ئوت كېتىپ پارتىلاش يۈز بەرگەن، ھازىرغىچە بىر ئادەمنىڭ ئۆلىشىنى ۋە 11ئادەمنىڭ يارلىنىشنى كەلتۈرۈپ چىقارغان.

ئەھۋالدىن قارىغاندا ، رېستۇران ئەتراپىدىكى ئون نەچچە دۇكان زىيانغا ئۇچراپتۇ. قۇتۇقۇزۇش خىزمىتىى نەچچە سائەت ئالدىدا ئاياقلاشتى. بۈگۈن ئەتىگەن سائەت 7:15 ئۆتكەندە ، توڭجوۋ رايونى لىيۈەن بازىرىدىكى بىر ئەتىگەنلىك ناشتا چىقىرىدىغان رېستۇراننىڭ گاز تۇڭى پارتىلاپ كېتىپ، كۈچلۈك بىر ئاۋاز چىقىشى بىلەنلا تەڭ ، رېستۇرانمۇ تەڭ پارتىلاپ كەتكەن،

ئەتراپنى پۈتۈن ئىس-تۈتەك ۋە چاڭ توزان قاپلىغان، كېيىن قۇتقۇزۇلغان يارلانغۇچىلار يول ئۈستىگە بىر بىردىن ياتقۇزۇلغاندا ، ئەتراپتىكى كىشىلەر توپلىشىپ كەتكەن ، خەۋەر قىلىنىشىچە يولدا كېتىۋاتقان ماشىنا ۋە ماشىنىدىكى ئادەممۇ يارلانغان.شۇ رايوندىكى يېقىن ئۆي-ئىمارەتلەرمۇ بۇزغۇنچىلىققا ئۇچرىغان، ئوت ئۆچۈرۈش ئەترىتى جىددىي ئوت ئۆچۈرۈش خىزمىتىنى ئىشلىگەن.

يارلانغۇچىلار ھازىر دوختۇرخانىدا قۇتقۇزىلىۋاتىدۇ.

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK