جۇڭگو كومپارتىيەسى مەركىزىي كومىتېتى سىياسىي بيۇروسى دائىمىي كومىتېتىنىڭ ئەزاسى، گوۋۇيۈەننىڭ مۇئاۋىن زۇڭلىسى جاڭ گاۋلى تۈنۈگۈن بېيجىڭدا بېيجىڭ، تيەنجىن، خېبېي ۋە ئۇنىڭ ئەتراپىدىكى رايونلارنىڭ ئاتمۇسفىرا بۇلغىنىشىنىڭ ئالدىنى ئېلىش ۋە تىزگىنلەش ھەمكارلىق گۇرۇپپىسىنىڭ 3-قېتىملىق يىغىنىغا قاتناشتى. ئۇ مۇنۇلارنى تەكىتلىدى: ئاسىيا-تىنچ ئوكيان ئىقتىسادىي ھەمكارلىق تەشكىلاتىغا ئەزا دۆلەتلەر رەھبەرلىرىنىڭ بىرەسمى يىغىنى مەزگىلىدە ھاۋا سۈپىتىگە كاپالەتلىك قىلىش ۋە بۇ يىل قىش، كېلەر يىلى ئەتىيازدا رايون ئاتمۇسفىراسىنىڭ بۇلغىنىشىنىڭ ئالدىنى ئېلىش ۋە تىزگىنلەش خىزمىتى نۆۋەتتە ئاتمۇسفىرا بۇلغىنىشىنىڭ ئالدىنى ئېلىش ۋە تىزگىنلەش خىزمىتىدىكى ئەڭ مۇھىم ئىش، بىز ھەقىقىي تۇتۇپ، ئەمەلىي ئىش قىلىش روھى بىلەن بۇ خىزمەتتە ھەقىقىي ئۈنۈم ھاسىل قىلىشىمىز كېرەك.

جاڭ گاۋلى مۇنداق دەپ كۆرسەتتى: كۆمۈرنىڭ ھاۋانى بۇلغىشىنى ھەقىقىي ئازايتىپ، سېرىق بەلگىلىك ئاپتوموبىللار ۋە كونا ئاپتوموبىللارنى شاللاش سۈرئىتىنى تېزلىتىپ، پۈتۈن يىلدا 6 مىليون ئاپتوموبىلنى شاللاش ۋەزىپىسىنى ئورۇنداشقا كاپالەتلىك قىلىپ، شاخ-شۇمبا كۆيدۈرۈشنىڭ ھەقىقىي ئالدىنى ئېلىپ، پوجاڭزا قويۇپ بېرىشنى كونتىرول قىلىپ، قانۇن ئىجرا قىلىش ۋە نازارەت قىلىپ باشقۇرۇشنى كۈچەيتىپ، قانۇنغا خىلاپ قىلمىشلارنى قاتتىق جازالاپ. تەكشۈرۈپ سىگنال بېرىش ۋە جىددىي ئالدىنى ئېلىش مېخانىزمىنى مۇكەممەللەشتۈرۈپ، ھاۋا بۇلغىنىشىنىڭ خەلقنىڭ ساغلاملىقى ۋە ئىشلەپچىقىرىش، تۇرمۇشىغا يەتكۈزىدىغان تەسىرىنى ھەقىقىي ئازايتىش كېرەك.