ياپونىيە ئېقىم مەسىلىلىرى ئاخبارات ئاگېنتلىقىنىڭ 1-ئاينىڭ 26-كۈنىدىكى خەۋىرىدە مۇنداق دىيىلدى: «ئامېرىكا ھاۋا ئارمىيەسى 1-ئاينىڭ 24-كۈنى، تەتقىق قىلىپ ياسىلىۋاتقان (دۇلدۇل)- KC-46A تىپلىق ھاۋادا ماي قاچىلاش ئايروپىلانى بىلەن تۇنجى قېتىم ھاۋادا ماي قاچىلاش سىنىقى مۇۋەپپەقىيەت قازاندى».  

     تەجرىبە جەريانىدا ماي قاچىلاش ئايروپىلانى كونتىرول سۇپىسىدىكى كومپيۇتېر ئارقىلىق ماي قاچىلاش تۇرۇبىسىنى كونترول قىلىپ، ئوڭۇشلۇق ھالدا كالىفورنىيە شتاتى ئىدۋاردىس ھاۋا ئارمىيە بازىسىدىن كۆتۈرۈلگەن F16C تىپلىق رېئاكتىپ جەڭ ئايروپىلانىغا يېقىلغۇ يەتكۈزۈپ بەرگەن.

     مۆلچەرلىنىشىچە، 2017-يىلى 8-ئايغىچە ياسىغۇچى تەرەپ بوئىن شىركىتى ئامېرىكا ئارمىيىسىگە تۇنجى تۈركۈمدىكى 18 دانە «دۇلدۇل»- KC-46A تىپلىق ھاۋادا ماي قاچىلاش ئايروپىلانىنى ئۆتكۈزۈپ بېرىدىكەن. ئۇنىڭ ئىچىدىكى ئۈچ دانە «دۇلدۇل»-KC-46A تىپلىق ھاۋادا ماي قاچىلاش ئايروپىلانى ياپونىيە ئاۋىياتسىيە قوغدىنىش ئەترىتىگە سېتىپ بېرىلىدىكەن.