بىر ئاي ئىلگىرىكى مۇشۇ كۈندە نيۇيورك ئالتۇن بازىرىدىكى ھەر ئۇنسىيە نەق ئالتۇننىڭ باھاسى 1089 دوللار بولغان ئىدى، ئەمما بىر ئايدىن بۇيان خەلقئارا ئالتۇن باھاسى تەۋرىنىش ئىچىدە ئۇدا چۈشۈپ، ھالا بۈگۈنكى كۈنگە كەلگەندە ھەر ئۇنسىيە نەق ئالتۇننىڭ باھاسى 1067.60 دوللارغا چۈشۈپ قالدى، بۈگۈن يەنە 2.76 دوللار چۈشۈپ كەتتى. بۇنىڭغا قاراپ ھەرگىز ئالتۇن سودىگەرلىرى قاتتىق زىيان تارىتپتۇ دەپ ئويلاپ قالماڭ، سەزگۈر ئالتۇن سودىگەرلىرى ئۈچۈن ئالتۇن باھاسىنىڭ چۈشۈشىمۇ ياخشى سودا پۇرسىتى بولۇپ ھېسابلىنىدۇ.

ئەمما بىر ئايدىن بۇيان نەق كۆمۈشنىڭ باھاسى سەل چۈشكەن بولسىمۇ زىيان چوڭ بولمىدى، بىر ئاي ئىلگىرىكى مۇشۇ كۈندە ھەر ئۇنسىيە نەق كۆمۈشنىڭ باھاسى 14.47 دوللار بولغان ئىدى، ھالا بۈگۈنكى كۈنگە كەلگەندە ھەر ئۇنسىيە نەق كۆمۈشنىڭ باھاسى 14.14 دوللارغا چۈشتى.

       خەلق پۇلى بۇيىچە ھېسابلىنىدىغان قۇيما ئالتۇننىڭ باھاسى بىر ئايدىن بىرى ھەر گىرامىدا ئۈچ يۈەن چۈشتى. بۈگۈن يەنە 0.05 يۈەن چۈشۈپ، ھەر گىرامىنىڭ باھاسى 219.65 يۈەن بولدى.

شاڭخەي T+D ئالتۇنىنىڭ باھاسىمۇ بىر ئايدىن بۇيان 3 يۈەن چۈشتى، بۈگۈن يەنە 1.19 يۈەن چۈشۈپ ھەر گرامىنىڭ باھاسى 223.39 يۈەن بولدى.

     ساپ ئالتۇن دەپ قارىلىدىغان %99.99 لىك ئالتۇننىڭ باھاسى بىر ئايدىن بىرى 4 يۈەن چۈشۈپ، بۈگۈن ھەر گىرامىنىڭ باھاسى 282 يۈەنگە چۈشۈپ قالدى

   خەلق پۇلى بۇيىچە ھېسابلىنىدىغان، ئالتۇن قەرەللىك مېلىنىڭ باھاسى بىر ئايدىن بۇيان پەقەت بىر يۈەن چۈشتى.