بېيجىڭ ۋاقتى 4-ئاينىڭ 10-كۈنى 2:45 مىنۇت ئۆتكەندە 2013-2014 پەسىللىك ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ تۆت كۈچلۈككە كىرىش ھەل قىلغۇچ مۇسابىقىسى ئىككىنچى قېتىملىق ئۇچرىشىش ئېلىپ بېرىلدى. بۇ مەيدان مۇسابىقە گېرمانىيە بايرىن مىيۇنخېن كوماندىسىنىڭ ئۆز مەيدانى ئاللىيان پۇتبول مەيدانىدا مانچىستىر بىرلەشمە كوماندىسى بىلەن ئېلىپ بېرىلدى. ئىككى تەرەپنىڭ بىرىنچى قېتىملىق ئۇچرىشىشىدا مانچىستىر بىرلەشمە كوماندىسى ئۆز مەيدانىدا 1-1 نەتىجە بىلەن تەڭلەشكەنىدى. بۇ مەيدان مۇسابىقىدە بايرىن مىيۇنخېن كۇلۇبى مانزىجىچ، مۇللېر ۋە روبىننىڭ بىردىن توپ كىرگۈزۈشى بىلەن ئۆز مەيدانىدا 3-1 نەتىجە بىلەن مانچىستىر بىرلەشمە كۇلۇبىنى مەغلۇپ قىلىپ ئومۇمىي نومۇردا 4-2 بولۇپ ئوڭۇشلۇق ھالدا تۆت كۈچلۈككە كىردى.

بايرىننىڭ باشلىنىشتىلا ھۇجۇمى بەك كۈچلۈك بولدى. ئارقا ئارقىدىن مانچىستېر بىرلەشمە كوماندىسىنىڭ ۋاراتارىغا تەھدىت ئېلىپ كەلدى. بىراق ئالدىنقى يېرىم مەيداندا ۋاراتارغا بىرەر توپ كىرمىدى. ئاخىرىدا 0-0 نەتىجە بىلەن ئالدىنقى يېرىم مەيدان مۇسابىقە ئاخىرلاشتى.

كېيىنكى يېرىم مەيدان مۇسابىقە باشلاندى. 57 مىنۇت بولغاندا مانچىستىر بىرلەشمە كۇلۇبى ئۈستۈنلۈكنى ئىگەللىدى.ۋالۇنسىيا ياقىدىن ئوتتۇرغا تاشلىدى. قىسىلىپ كىرگەن ئەفىرا توپنى توختاتماي بىۋاستە ۋاراتارغا تەپتى.توپ 90 گىرادۇسلۇق بۇلۇڭدىن ۋاراتارغا كىردى! بىراق بىر مىنۇت ئۆتۈپلا بايرىن مىيۇنخېن كوماندىسى نومۇرنى تەڭلەشتۈرۈۋالدى.رىبىرى سولدىن ئوتتۇرىغا پاس تاشلىدى.مەنزىجىچ توپنى بېشى بىلەن ئۈسۈپ كىرگۈزدى. نومۇر بىردەمدىلا 1-1 بولدى.

67 مىنۇت بولغاندا بايرىن مىيۇنخېن مانچېستىر بىرلەشنىسىدىن ئېشىپ كەتتى.روبىن يەر بويلىتىپ چىرايلىق پاس چىقىرىپ بەردى.مۇللېر چەكلەنگەن رايۇن ئىچىدە ۋىدىچنىڭ ئالدىغا ئۆتۈۋېلىپ توپنى ۋاراتارغا كىرگۈزۈۋەتتى. بايرىن مىيۇنخېن 2-1 نەتىجە بىلەن ئۈستۈنلۈكنى ئىگەللىدى. 75مىنۇت بولغاندا بايرىن مىيۇنخېن نومۇر پەرقىنى تېخىمۇ چوڭايتتى. روبىن توپنى ئۆزى ئېلىپ كىرىپ ۋاراتارغا كىرگۈزدى. نەتىجە 3-1 بولدى.

ئاخىرىدا بايرىن مىيۇنخېن كۇلۇبى ئۆز مەيدانىدا 3-1 نەتىجە بىلەن مانچېستىر بىرلەشمە كۇلۇبى مەغلۇپ قىلىپ ئومۇمىي نومۇر 4-2 نەتىجە بىلەن تۆت كۈچپۈككە كىردى.

بۇ مەيدان مۇسابىقىدە ئىپادىسى ياخشى بولغان روبىن پۈتۈن مەيداندىكى ئەڭ يۇقىرى بولغان 9 نومۇرغا ئېرىشتى. مانچىستىر بىرلەشمە كوماندىسىدىن توپ كىرگۈزگەن ئەفىرا مانچىستىر بىرلەشمىسى ئەزالىرى ئىچىدە ئەڭ يۇقىرى بولغان8.2 نومۇرغا ئېرىشتى.

بايرىن مىيۇنخېن كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار: نوئىر. رام. دانت. بۇئاتىن. ئارابا. كىرويىس. مۇللېر (83 مىنۇت بولغاند پىسارو ئورنىغا چىقتى.) گوتىز ( 65 مىنۇت بولغاندا رافىنىيە ئورنىغا چىقتى.)روبىن. رىبىرى. مەنزىجىچ.

مانچىستىر بىرلەشمە كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار: دەخيا. فېر-جونس.سىمارن. ۋىدىچ. ئەفېرا. كارىك. فىلاچ ( 74 مىنۇتبولغاندا ئەرناندىس ئورنىغا چىقتى.) ۋالۇنسىيا. كاگاۋا. ۋېربىك (80 مىنۇت بولغاندا زانۇجاي ئورنىغا چىقتى.) رۇنى.

پۇتبول تورى خەۋىرى، لەگلەك تورى تەرجىمىسى

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK