نۆۋەتتىكى ئەڭ يېڭى ئۇچۇرغا ئاساسلانغاندا، پۈتۈنلەي يېڭى بولغان بىيادى كىچىك تىپلىق SUV-يۈەن چاغاندىن كېيىن رەسمى بازارغا سېلىنىدىكەن، بىيادى سوڭ بىلەن ئوخشىمايدىغىنى بولسا بىيادى يۈەن بېنزىن نۇسخا، توكقا چاتىدىغان نۇسخىنى ماس قەدەمدە بازارغا سالىدىكەن.

       سىرتقى كۆرۈنۈش تەرەپتە، بىيادى يۈەن مودا بولغان قوش رەڭلىك ماشىنا گەۋدىسى لاھىيەسى قوللانغان، يەنە ئەپچىل پاسوننى ماسلاشتۇرۇپ، ئومۇمى قىياپىتىنى ئىنتايىن نەپىس كۆرسەتكەن. تەپسىلاتى تەرەپتە، يېڭى ماشىنا بىيادىنىڭ ئەڭ يېڭى جەمەت شەكىلى ئالدى يۈز لاھىيەسىنى داۋاملاشتۇرغان، لاھىيە ئىنتايىن خاسلىققا ئىگە.

     رازمىرى تەرەپتە، يېڭى ماشىنىنىڭ رازمىرى: 4320/1765/1650mm، ئوق ئارىلىقى: 2520mm. قۇيرۇق قىسىم تەرەپتە، بۇ ماشىنا بوغچا شەكىللىك ئاسما زاپاس چاق ئىشلەتكەن، بۇ ئارقا ساندۇق ئۈچۈن تېخىمۇ كۆپلىگەن ساقلاش بوشلۇقى تىجىگەن.

ئىچكى بېزەك تەرەپتە، بىيادى يۈەن پۈتۈنلەي قارا ئىچكى بېزەك لاھىيە قوللانغان، ئوخشاشلا كۈمۈش رەڭلىك بېزەك بار، ئومۇمى ئىچكى بېزەك لاھىيەسى بىيادى سوڭ بىلەن ئوخشاش ناھايىتى نەپىس كۆرۈنىدۇ، ھەم ئىلگىرىكى ماشىنا تىپىغا سېلىشتۇرغاندا چوڭ نىسبەتتە ئاشقان.

       ھەرىكەتلەندۈرگۈچ كۈچ تەرەپتە، ئىلگىرىكى خەۋەردىن قارىغاندا بىيادى يۈەن يېقىلغۇ نۇسخىسى 1.5L لىق ئۆزلىكىدىن گاز سۈمۈرىدىغان ماتور ۋە 1.5T لىك پىرقىرىغۇچلۇق بېسىم ئاشۇرىدىغان ماتور تاللىشى تەمىنلەيدۇ، ئەڭ چوڭ قۇۋىتى 109Ps ۋە 154Ps. بۇندىن سىرت، توكقا چاتىدىغان ئارىلاش ماتورلۇق نۇسخىسىغا 1.5L لىق ماتور ۋە ئىككى يۈرۈش ئېلىكتىر ماتوردىن تەشكىللەنگەن ئارىلاش ماتورلۇق سېستىما سەپلىنىدۇ، ساپ توكلۇق ھالەتتىكى ئەڭ چوڭ ئۇدا يول يۈرۈش مۇساپىسى 70 كىلومېتىر، 0-100 كىلومېتىر\\سائەتكە تېزلىنىشقا 4.9 سىكۇنىت كېتىدۇ.