2015 ~ 2016-يىللىق WCBA ئادەتتىكى مۇسابىقىسىنىڭ ئاخىرقى ئۈچىنچى مەيدان مۇسابىقىسىدە، شىنجاڭ كوماندىسى ئۆز مەيدانىدا شاڭخەي كوماندىسى بىلەن مۇسابىقىلىشىپ، 72 گە قارشى 89 نومۇر بىلەن رەقىبىنى مەغلۇپ قىلدى.

   پۈتۈن مەيدان مۇسابىقىدىن شىنجاڭ ئاياللار ۋاسكېتبول كوماندىسىنىڭ تولۇق تەييارلىق بىلەن مۇسابىقىگە چۈشۈپ ئۆز كۈچىنى تولۇق جارى قىلدۇرغانلىقىنى كۆرۈۋالغىلى بولىدۇ.

  مۇسابىقىدىن كېيىن شىنجاڭ كوماندىسىنىڭ باش تىرىنېرى جەن شۇپىڭنىڭ ئېيتىشىچە، ماھىرلار مۇسابىقىنى ناھايىتى ياخشى ئوينىغان بولسىمۇ، ئىنتايىن كىچىك ھالقىلاردا يەنىلا ھەمكارلىقنى كۈچەيتىش كېرەك. مۇسابىقىدىن كېيىن مەن ئەزالارنىڭ مۇداپىئەلىنىش مەشىقىنى تېخىمۇ ياخشى ئېلىپ بېرىشىنى ئۈمىد قىلىمەن.

   بۇ قېتىملىق مۇسابىقىدىن كېيىن شىنجاڭ ئاياللار ۋاسكېتبول كوماندىسى يەتتە مەيدان ئۇتۇپ، ئۈچ مەيدان ئۇتتۇرۇشتەك نەتىجە بىلەن A گورۇپپىدا 1-ئورۇنغا تىزىلغان.

   ئىگىلىنىشىچە، 16-، 19-يانۋار كۈنلىرى شىنجاڭ ئاياللار ۋاسكېتبول كوماندىسى ئۆز مەيدانىدا ئاخىرقى رەقىبى گۇاڭدۇڭ كوماندىسى بىلەن مۇسابىقىلىشىدىكەن.