رىيان گوسلىڭ كەسپىي ھاياتىدا ھەرخىل روللارغا چىقتى، كېيىنكى قەدەمدە ئۇ يەنە تارىختىكى ئەڭ داڭلىق ئالەم ئۇچقۇچىسى-ئامېرىكىلىق ئايغا چىققۇچى نىل ئارمىستروڭنىڭ رولىغا چىقىشى مۇمكىن.

ئىگەللىنىشىچە، گوسلىڭ يەرشارى كىنوچىلىقىنىڭ تەكلىپىگە ئېرىشكەن بولۇپ، نىل ئارمىستروڭنىڭ تەرجىمىھال فىلىمى «بىرىنچى ئادەم» گە چىقىدىكەن.

 بۇ فىلىمغا «Whiplash» «دۇمباقچى» نىڭ رېژىسسورى دامىئان چازېللا رېژىسسورلۇق قىلىدۇ، «سامانيولى مۇھاپىزەت قىسىمى» نىڭ سىنارىستى نىكول پېرلىمان، «فوكۇس» نىڭ سىنارىستى جوش سىڭگېر سىنارىيەسىنى يازىدۇ. فىلىمنىڭ سۈرەتكە ئېلىش ۋە قويۇش ۋاقتى تېخى بېكىتىلمىدى.

 نىل ئالدېن ئارمىستروڭ 1930-يىلى 8-ئاينىڭ 5-كۈنى تۇغۇلغان، 2012-يىلى 8-ئاينىڭ 25-كۈنى قازا قىلغان، ئامېرىكا ئاپوللو 11-نومۇر ئايغا چىقىش پىلانىدىكى ئالەم ئۇچقۇچىسى. ئامېرىكا ئالەم قاتنىشى ئىدارىسىدا خىزمەت قىلىۋاتقان ۋاقىتتا، ئارمىستروڭ 1969-يىلى 7-ئاينىڭ 21-كۈنى تۇنجى بولۇپ ئاي شارىغا قەدەم باسقان ئالەم ئۇچقۇچىسىغا ئايلانغان، ھەم تۇنجى بولۇپ تاشقى پىلانىتتا ئاياق ئىزىنى قالدۇرغان ئىنسانغا ئايلانغان.

 «تۇنجى ئادەم» جەيمىس خانسېننىڭ تەرجىمىھال ئەسىرى «تۇنجى ئادەم: نىل ئارمىستروڭنىڭ ھاياتى» دىن ئۆزگەرتىپ ئىشلىنىدۇ. بۇ تۈرنىڭ ئەڭ دەسلەپكى نەشىر ھوقۇقىغا ئېرىشكۈچى ۋارنېر بولۇپ كلىنىت ئەستىۋۇدنى رېژىسسورلۇققا بېكىتكەن، كېيىن يەرشارى كىنوچىلىقى ھەمكارلىشىپ رېژىسسور ۋە سىنارىستنى ئالماشتۇرغان. 2019-يىلى ئاپوللو 11-نومۇرنىڭ ئايغا چىققانلىقىنىڭ 50 يىللىقىنى كۈتىۋالىدۇ، شۇ سەۋەبتىن بۇ فىلىمنى سۈرەتكە ئېلىشنىڭ ئىنتايىن مۇھىم ئەھمىيىتى بار.