2030-يىلىغا بارغاندا دۇنيا ۋەزىيىتىدە قانداق ئۆزگىرىشلەر بولىدۇ؟ ئامېرىكا يېزا-ئىگىلىك مىنىستىرلىكىنىڭ قارىشىچە، 2030-يىلىغى بارغاندا دۇناي ۋەزىيىتىدە چوڭ ئۆزگىرىشلەر بولىدىكەن، جۇڭگونىڭ ئىچكى ئىشلەپچىقىرىش ئۇمۇمىي قىممىتى 18ترىليون 800مىليارد ئامېرىكا دوللىرىغا يېتىدىكەن.  ئامېرىكا يېزا-ئىگىلىك مىنىستىرلىكى 18-دىكابىر بىر تۈرلۈك دوكلات ئېلان قىلغان بولۇپ، دوكلاتتا ئېيتىلىشىچە، 2030-يىلىغا بارغاندا جۇڭگونىڭ ئىچكى ئىشلەپچىقىرىش ئۇمۇمىي قىممىتى 18ترىليون 800مىليارد ئامېرىكا دوللىرىغا يېتىپ ئامېرىكىنىڭ ئىچكى ئىشلەپچىقىرىش ئۇمۇمىي قىممىتى بولغان 23ترىليون 900مىليارد ئامېرىكا دوللىرىدىن يەنە خېلى پەرقلىنىدىكەن، لىكىن ھىندىستاننىڭ ئىچكى ئىشلەپچىقىرىش ئۇمۇمىي قىممىتى تېز سۈرئەتتە ئۆرلەپ بىرازىلىيە، ئەنگىلىيە، فىرانسىيە، گېرمانىيە ۋە ياپونىيەلەردىن ئېشىپ دۇنيادا ئۈچىنچى ئورۇنغا ئۆتىدىكەن، ئىچكى ئىشلەپچىقىرىش ئۇمۇمىي قىممىتى 7ترىليون 300مىليارد دوللارغا يېتىپ ھازىرقىنىڭ ئۈچ ھەسسىسىگە توغرا كېلىدىكەن.

      بۇ دوكلاتتا ئېيتىلىشىچە، جۇڭگو ئىقتىسادىنىڭ ئېشىش سۈرئىتى كېلەر يىلى 6.53%كە چۈشۈپ قالىدىكەن، 2017-يىلى بولسا 6.07%، 2018-يىلى بولسا 5.69% كە چۈشۈپ قالىدىكەن، 2023-يىلىدىن 2030-يىلىغىچە بولغان ئوتتۇرىچە ئېشىش نىسبىتى 5%ئەتراپىدا بولىدىكەن. جۇڭگو بىلەن سېلىشتۇرغاندا ھىندىستاننىڭ ئەھۋالى خېلىلا ياخشى بولۇپ كەلگۈسى 15 يىلدا ئىقتىسادىنىڭ ئوتتۇرىچە ئېشىش نىسبىتى 7%تىن يۇقىرى سەۋىيىنى ساقلايدىكەن.

    خەلقئارا پۇل فوندى تەشكىلاتى بۇنىڭدىن ئىلگىرى كەلگۈسى 15 يىلدا ھىندىستاننىڭ دۇنيا ئىقتىسادى سەھنىسىدىكى بىر يارقىن نۇقتا بولۇپ قالىدىغانلىقىنى، چۈنكى ئۇنىڭدا دۇنيا بويىچە ئەڭ كۆپ ئەمگەك كۈچى بارلىقىنى بىلدۈرگەنىدى.

 تۆتىنچى ئايدا ئېلان قىلىنغان بىر تۈرلۈك دوكلاتتا  كەلگۈسى 15 يىلدا بىر قانچە ئىقتىسادىي گەۋدە باش كۆتۈرۈپ چىقىدىغانلىقى، ھەتتا بۇ سەۋەبلىك بىر قانچە كۈچلۈك ياۋروپا دۆلىتىنىڭمۇ كەينىدە تاشلىنىپ قالىدىغانلىقى ئېيتىلغان. لىكىن بۇ قېتىملىق دوكلاتتا كەلگۈسىدە باش كۆتۈرىدىغان ئىقتىسادىي گەۋدىلەر ئىچىدە جۇڭگو بىلەن ھىندىستانلا تىلغا ئېلىنغان، باشقا دۆلەتلەر بولسا تىلغان ئېلىنمىغان. دوكلاتتا ئېيتىلىشىچە 2030-يىلىغا بارغاندا روسىيىنىڭ ئىچكى ئىشلەپچىقىرىش ئۇمۇمىي قىممىتى ئارانلا 2ترىليون 200مىليارد دوللار بولۇپ ئىتالىيىنىڭمۇ كەينىدە تۇرىدىكەن، بىرازىلىيىمۇ ھازىرقى 6-ئورۇندىن 8-ئورۇنغا چۈشۈپ قالىدىكەن.

    ئەلۋەتتە، ئامېرىكا يېزا-ئىگىلىك مىنىستىرلىكى كەسپىي مۆلچەرلەش ئورگىنى ئەمەس، گەرچە دۇنيا پۇل فوندى تەشكىلاتىنى بۇ جەھەتتە خېلى نوپۇزلۇق دەپ قاراشقا بولسىمۇ، كەلگۈسى بىر ئىككى يىل ئىچىدىكىنىمۇ مۆلچەرلىسۇن لىكىن كەلگۈسى 15 يىلدا كىمنىڭ قانداق بولىدىغانلىقىغا ھېچكىم بىرنەرسە دىيەلمەيدۇ. خۇددىي مورگان شىركىتىنىڭ باش ئىقتىسادشۇناسى برۇس كازمان ئېيتقاندەك »يەنە نۇرغۇن ئېنىقسىز ئامىلللار بار»