بىخەتەرلىك مۇتەخەسسىسلىرى: سۇلتان مەھمەت مەيدانىدىكى تېررورلۇق ھۇجۇمى پەقەتلا باشلىنىش خالاس

     «يەر شارى تورى خەۋىرى» رۇسىيە سۈنئىي ھەمراھ ئاخبارات تورىنىڭ 13- يانۋاردىكى خەۋىرىگە قارىغاندا، تۈركىيەلىك سىياسىيون، بىخەتەرلىك ۋە تېررورلۇققا قارشى تۇرۇش مۇتەخەسسىسى مارتېن جوردان:« سۇلتان مەھمەت مەيدانىدىكى تېررورلۇق ھۇجۇمى پەقەتلا باشلىنىش خالاس»دېگەن.

      ئۇ، رۇسىيە سۈنئىي ھەمراھ ئاخبارات تورىنىڭ زىيارىتىنى قوبۇل قىلغاندا:«ئىستانبۇلدىكى سۇلتان مەھمەت مەيدانىدا يۈز بەرگەن ئۆزىنى قوشۇپ پارتلىتىش خاراكتېرلىك ھۇجۇم تاسادىپىي يۈز بەرگەن ھۇجۇم ئەمەس. <شام ئىسلام دۆلىتى> تېررورلۇق تەشكىلاتى ئۆزىنىڭ پائالىيەت دائىرىسىنى كېڭەيتىشكە ئۇرۇنۇۋاتىدۇ. يەنە كېلىپ سۇلتان مەھمەت مەيدانىدا يۈز بەرگەن ھۇجۇم پەقەتلا بىر باشلىنىش. بىز قاتتىق ئەنسىزلىككە يېقىنلىشىۋاتىمىز ، ئۇنىڭ ئۈستىگە سۇلتان مەھمەت مەيدانىدىكى تېررورلۇق ھۇجۇمى بىر قاتار ھۇجۇملارنىڭ بېشارىتى خالاس»دېگەن.

      ئۇنىڭدىن باشقا ئۇ يەنە:« ئەگەر<شام ئىسلام دۆلىتى> ۋە مۇشۇنىڭدەك تەشكىلاتلارنىڭ تۈركىيە چېگراسى ئىچىگە سىڭىپ كىرىشى ۋە كۆلەملىك ھەرىكىتى تۆۋەن مۆلچەرلىنىدىغان بولسا ھەمدە كونكرېت تەدبىر ۋە تېررورلۇققا تەھدىتىگە قارشى تۇرىدىغان مۇۋاپىق ئاگاھلاندۇرۇش شۇنداقلا ئىنكاس قايتۇرۇش سىستېمىسى قۇرۇپ چىقىلمىسا، ئۇنداقتا ئىستانبۇلدا يۈز بەرگەن تېررورلۇق ھۇجۇمىنىڭ ئاقىۋىتى كەلگۈسىدىكى تېررورلۇققا قارشى تۇرۇش ئىشلىرىغا ئەڭ چوڭ قىيىنچىلىق تۇغدۇرىدۇ»دېگەن. 

    12- يانۋار، ئىستانبۇلنىڭ شەھەر مەركىزىدە، ئۆزىنى قوشۇپ پارتلىتىش ھۇجۇم يۈز بېرىپ، 10 ئادەم قازا قىلغان، 15 ئادەم ئوخشىمىغان دەرىجىدە يارىلانغان. يارىلانغۇچىلارنىڭ كۆپ قىسمى گېرمانىيەلىك ئىكەن.