«1-ئىيۇن» بالىلار بايرىمى ھارپىسىدا، بايرام تەنتەنىسى ھەممە جاينى قاپلىدى. 28-ماي مۇخبىر شاكىچىكلەرنىڭ چىرايلىق ياسىنىپ مەكتەپ ۋە يەسلىخانىلىرىدىكى بايرام پائالىيىتىگە ئالدىراپ ماڭغانلىقىنى كۆردى.
ئىككى كۈندىن بۇيان ئۈزلۈكسىز ئۆتكۈزۈلىۋاتقان بالىلار بايرىمىلىق پائالىيەت مەزگىلىدە ھاۋارايى ئىنتايىن ياخشى بولدى. ئۈرۈمچى شەھەرلىك مېتېئورولوگىيە ئىستانسىسنىڭ بىلدۈرۈشىچە، 29-ماي كۈندۈز ھاۋا ئوچۇق ۋە بۇلۇتلۇق، يۇقىرى تېمپېراتۇرا ℃27، تۆۋەن تېمپېراتۇرا ℃15 بولۇپ، ئۈچ بال شامال چىقىدىكەن. كەلگۈسى 48 سائەت ئىچىدە ھاۋا ئوچۇق ۋە بۇلۇتلۇق، يۇقىرى تېمپېراتۇرا ℃26، تۆۋەن تېمپېراتۇرا ℃16 بولۇپ، ئۈچ بال شامال چىقىدىكەن.
مۇشۇ ھەپتە ئاخىرىدىكى دەم ئېلىش مەزگىلىدە ھەر قايسى باغچا ۋە كۆڭۈل ئېچىش مەيدانلىرى بالىلارنىڭ شادلىق باغچىسىغا ئايلىنىدۇ. بىراق 31-ماي ئازراق يامغۇر يېغىپ تېمپېراتۇرا ئازراق تۆۋەنلەيدىكەن، يۇقىرىقى تاغ تاغلىق رايونىدا ئوتتۇرھال يامغۇر ياغىدىكەن.
شىنجاڭغا نەزەر سالساق، مۇشۇ ھەپتە ئاخىرىدا شىمالىي شىنجاڭنىڭ كۆپ قىسىم رايونلىرى، ئىلى دەريا ۋادىسىنىڭ شەرقىي جەنۇبىدىكى تاغلىق رايونلار، شىمالىي شىنجاڭنى بويلىغان تەڭرىتاغ ئېتەكلىرى ۋە تەڭرىتاغ تاغلىق رايونى قاتارلىق قىسمەن رايونلاردا ئوتتۇرھال ۋە قاتتىق يامغۇر يېغىپ، شامال ئېغىزلىرىدا 8~7 بال غەربىي شىمال شامىلى چىقىدىكەن.