ياپونىيەنىڭ بىر يېڭى تەتقىقاتىچە، قىزىل پەمىل چاي سۆڭەك ھۈجەيرىلىرىنىڭ بۇزغۇنچىلىققا ئۇچرىشىنىڭ ئالدىنى ئالىدىكەن.
سۆڭەكنىڭ ئىچىدە سۆڭەك ياسايدىغان ھۈجەيرە ۋە سۆڭەكنى بۇزغۇنچىلىققا ئۇچرىتىدىغان ھۈجەيرە بار. ئەگەر بۇزغۇنچىلىققا ئۇچرىتىدىغان سۆڭەك ھۈجەيرىلىرىنىڭ ئىقتىدارى ئادەتتىن زىيادە جانلىنىپ كەتسە، بۇ ئىككى ھۈجەيرە ئوتتۇرىسىدىكى تەڭپۇڭلۇق بۇزۇلۇپ، سۆڭەكنىڭ چۈرۈكلىشىشى، سۆڭەك مىقدارىنىڭ كېمىيىشى كېلىپ چىقىپ، سۆڭەك شالاڭلىشىش كېسىلى پەيدا بولىدىكەن.
ياپونىيە ئوساكا ئۇنىۋېرسىتېتىدىكى كېيزو نېشىكاۋا قاتارلىق تەتقىقاتچىلارنىڭ بايقىشىچە، قىزىل پەمىل چاينىڭ تەركىبىدىكى چاي فىلاۋىنىنىڭ بۇزغۇنچىلىققا ئۇچرىتىدىغان سۆڭەك ھۈجەيرىلىرىنىڭ شەكىللىنىشىنى توسىدىكەن. تەتقىقاتتا سۆڭەك مىقدارىنىڭ نورمال سەۋىيەسى 3/1 بولۇپ، سۆڭەك شالاڭلىشىش كېسەللىكىگە گىرىپتار بولغان چاشقاننى تەجرىبە قىلىپ، ھەر ئۈچ كۈندە چاشقانلارغا بىر قېتىم چاي فىلاۋىنىنى ئوكۇل قىلىپ ئۇرغان. تەخمىنەن ئۈچ ھەپتىدىن كېيىن تەجرىبە قىلغان چاشقاننىڭ بەدىنىدىكى بۇزغۇنچىلىققا ئۇچرىغان سۆڭەك ھۈجەيرىسى ئازىيىپ، سۆڭەك مىقدارى بىر ھەسسە ئاشقان. بىراق سۆڭەك شالاڭلىشىش كېسىلى بىمارلىرى قىزىل پەمىل چاينى ئاساسلىق داۋالاش ۋاسىتىسى قىلىۋالسا بولمايدىكەن. كېيزو نېشىكاۋا مۇنۇلارنى ئوتتۇرىغا قويدى: ئەگەر چاي فىلاۋىنىدىن پايدىلىنىپ ئوزۇقلۇق تولۇقلاش بۇيۇمى تەڭشەپ ئىستېمال قىلىنسا سۆڭەك شالاڭلىشىش كېسىلىنىڭ ئالدىنى ئېلىش مۇمكىنچىلىكى بار.