جاھان ئاگېنتلىقى 25-فېۋرال خەۋىرى: ئىراق ۋە شام ئىسلام دۆلىتى تەشكىلاتى ئىراقنىڭ تىكرىت رايۇنى ئەتراپىدا كىچىك بالىلارنى ئۆز ئىچىگە ئالغان 100 دىن كۆپ كىشىنى تۇتقۇن قىلدى. سۇرىيەدە بولسا ھاسەكە ۋىلايىتىدە بۇ ھەپتىدىن بۇيان تۇتقۇن قىلىنغانلارنىڭ سانى 15 كە يەتتى. تىكرىتنىڭ دىنى رەھبەرلىرىدىن شەيىخ ئەنۋەر ئۇبەيدى ئەلجەزىرە مۇخبىرىغا قىلغان سۆزىدە، ئىراق ۋە شام ئىسلام دۆلىتى تەشكىلاتى رۇبەيسە يېزىسىدىن ئۈچ كۈن بۇرۇن 9 كىچىك بالىنى ئۆز ئىچىگە ئالغان 127 كىشىنى تۇتقۇن قىلغانلىقىنى، ۋە ئۇلاردىن 21 كىشنى قۇيۇپ بەرگەنلىكىنى ئېيتتى، ئۇبەيدى تەشكىلاتنىڭ قولىدا 9-10 ياشلاردىكى كىچىك بالىلارنىڭمۇ بارلىقىنى بىلدۈردى. ئۇبەيدى تۇتقۇن قىلىنغان كىشىلەرنىڭ كۆپىنچىسىنىڭ ئىراق ۋە شام ئىسلام دۆلىتى تەشكىلاتىغا قارشى ئۇرۇش قىلغانلارنىڭ يېقىن تۇققانلىرى ئىكەنلىكىنى، ئۆز قەبىلىسىدىن 600 كىشىنىڭ ئىيۇل ئېيىدىن بۇيان ئىراق ۋە شام ئىسلام دۆلىتى تەرىپىدىن ئۆلتۈرۈلگەنلىكىنى تىلغا ئالدى.

ئىراق ۋە شام ئىسلام دۆلىتى تەشكىلاتى مەزكۇر رايۇندىكى سۈننىي قەبىلىلىرىنى جازالىماقچى بولغان بولۇپ، سۈننىي قەبىلىلەرنىڭ ئىراق ئارمىيسىگە تەشكىلاتقا قارشى باشلىغان كۈرەشلىرىگە ياردەم بەرگەنلىكىگە جازا بېرىش ئۈچۈن بۇ كىشىلەرنى تۇتقۇن قىلغانلىقى ئېنىقلاندى. ئىراق ۋە شام ئىسلام دۆلىتى تەشكىلاتى سۇريانىدىن 150 خىرىستىئاننى تۇتقۇن قىلدى سۈريانى ئىنسان ھەقلىرى تەكشۈرۈش ئورنى، ئىراق ۋە شام ئىسلام دۆلىتىنىڭ سۇرىيەنىڭ ھاسەكە ۋىلايىتىدىكى 12 بازارنى كونترول قىلغانلىقىنى، تۇتقۇن قىلغان كىشىلەرنىڭ سانىنىڭ 150 كە يېتىدىغانلىقىنى ئېيتتى. سۇريانى ئىنسان ھەقلىرى تەكشۈرۈش ئورنىنىڭ باشلىقى ئۇسامە ئېدۋارد ئەلجەزىرە مۇخبىرىغا سۆز قىلپ، ئىراق ۋە شام ئىسلام دۆلىتى تەشكىلاتىنىڭ ھاسەكە رايۇنىغا يېقىن يېڭىدىن كونترول قىلغان بازارلاردا ئايال ۋە كىچىك بالىلارنى ئۆز ئىچىگە ئالغان 70 كىشىنى تۇتقۇن قىلغانلىقىنى بىلدۈردى. ئىدۋارد، تۇتقۇن قىلىنغانلارنىڭ تەشكىلاتنىڭ سۇرىيەدىكى لاگېرلىرىغا تارقىتىلغانلىقىنى ئېيتتى.