ئامېرىكا زاپاس پۇل كومىتېتىنىڭ ئۆسۈم قوشۇش تەدبىرى ئاخىرى ئۆزىنىڭ ھەيۋىسىنى كۆرسەتتى، ئامېرىكا دوللىرىنىڭ كۈچىيىش بېسىمى ئاستىدا، ئالتۇن باھاسى زور دەرىجىدە چۈشۈشكە باشلىدى، نەق ئالتۇننىڭ باھاسى بىر كۈن ئىچىدە %2 چۈشۈپ، 1050 دوللارلىق سەۋىيەمۇ بۇزۇپ تاشلاندى.

    Citiنىڭ ئىستراتېگىيە مۇتەخەسسىسى داۋىد ۋىلسون مۇنۇلارنى بىلدۈرگەن: يەنىمۇ بىر قەدەم ئۆسۈم قوشۇش بىشارىتى ئامېرىكا دوللىرىغا ھاياتى كۈچ بەخىش ئەتتى، بازار ئاللىقاچان كېلەر يىلى 2~3 قېتىم ئۆسۈم قوشۇش ئېھتىماللىقىنى مۆلچەرلەپ بولدى. مۆلچەرىمىزچە، كېلەر يىلى ئالتۇن باھاسى داۋاملىق چۈشۈپ، 2016- يىلنىڭ كېيىنكى يېرىم يىلىغا بارغاندا ھەر ئۇنسىيە نەق ئالتۇننىڭ باھاسى 1000 دوللاردىنمۇ تۆۋەن سەۋىيىگە چۈشۈپ قالىدۇ.

   بۇ يىل ئالتۇن بازىرى ئامېرىكا زاپاس پۇل كومىتېتىنىڭ ئۆسۈم قوشۇش بېسىمىغا ئۇچرىغاندىن بۇيان ئالتۇن باھاسى %10 كە يېقىن چۈشۈپ كەتتى. بۇ ھەم ئالتۇن باھاسىنىڭ ئۇدا ئۈچ يىل چۈشۈشى بولۇپ ھېسابلىنىدۇ. ئالتۇندىن باشقا قىممەتلىك مېتاللارنىڭ ئىپادىسىمۇ ئانچە ياخشى بولمىدى، پورپېزىتنىڭ باھاسى %3 كە يېقىن چۈشۈپ كەتتى، پىلاتىنانىڭ باھاسىمۇ %1.3 چۈشتى.