ئامېرىكا «ۋاشىنگىتون كۈندىلىك پوچتا گېزىتى» نىڭ 1-چېسلا خەۋەر قىلىشىچە، مۇتەخەسسىسلەرنىڭ پەرەز قىلىشىچە، پارىژ كىلىمات يىغىنى مەزگىلىدە كاربوم تۆت ئوكسىدنىڭ قويۇپ بېرىلىشى كۆپىيىپ كېتىدىغان بولۇپ، ھازىر پارىژدا چاقىرىلىۋاتقان كىلىمات يىغىنىغا 195 دۆلەتتىن كەلگەن 50 مىڭدىن ئارتۇق چەت ئەللىك كېلىدىكەن، بۇنىڭ ئارىسىدا بىر قىسىم مۇھىم ئەربابلاردىن باشقا كىشىلەر، يەنى كارخانىچىلار، مۇھىت ئاسرىغۇچىلار، ئوقۇغۇچىلار، مۇخبىرلار قاتارلىقلارمۇ بار ئىكەن. بىراق بۇلارنىڭ كۆپىنچىسى ئايروپىلانغا چىقىپ پارىژغا كېلىدىغان بولۇپ، پارىژغا بېرىپ-قايتىش سەپىرىدە ئۇلار 300 مىڭ توننا كاربون تۆت ئوكسىد قويۇپ بېرىدىكەن.

مەزكۇر سانلىق-مەلۇماتنى ئامېرىكا Wired تور بېكىتىنىڭ مەخسۇس سىتونلۇق مۇخبىرى نىك سىتكتون (Nick Stockton) ئېلان قىلغان بولۇپ، ئۇ مۇنداق دېدى:«مەزكۇر سانلىق-مەلۇماتنى مەن قەھۋە ئىچىپ ئولتۇرغاچ بىر تازلىق قەغىزىگە يېزىپ ھېسابلاپ چىققان، بۇنىڭغا مۇناسىۋەتلىك ئېنىق سانلىق-مەلۇماتنى ب د  ت كېيىنرەك ئېلان قىلىدۇ.»

         خەۋەردە دېيىلىشىچە، بۇ قېتىملىق يىغىنغا 22 مىڭ ئەمەلدار ۋە قوشۇمچە ياردەمچىلەر كېلىدىغان بولۇپ، ئۇندىن باشقا يەنە ب د ت خادىملىرى، مۇھىت ئاسرىغۇچىلار، كارخانىچىلار، ئونىۋېرستېت تەتقىقاتچىلىرى، ئىجدىمائىي تەشكىلات ئەزالىرى قاتارلىقلارمۇ بار ئىكەن. نىك سىتكتوننىڭ پەرەز قىلىشىچە، بۇ قېتىملىق پارىژ كىلىمات يىغىنىغا كېلىدىغان ئادەمنىڭ سانى 50 مىڭدىن تۆۋەن بولمايدىكەن.

بۇ كىشىلەر دۇنيانىڭ ھەر قايسى جايلىرىدىن كېلىدىغان بولۇپ، بىر قەدەر يېقىن بولغانلىرى ئافرىقا، ياۋروپا قىتئەلىرىدىن كېلىدۇ، بىر قەدەر يىراق بولغانلىرى ئوكيانىيە، ئاسىيا قىتئەسى، ئامېرىكا قىتئەسىدىن كېلىدۇ. ئوتتۇرا ھېساب بىلەن ھەر بىر كىشى 14 مىڭ 500 كىلومېتىرلىق مۇساپىنى بېسىپ كېلىدۇ.

    نىك سىتكتون مۇنداق دەپ پەرەز قىلدى، يۇقىرىدا تىلغا ئالغان 50 مىڭ ئادەمنىڭ كۆپىنچىسى ياۋروپا قىتئەسى دۆلەتلىرىدىن كېلىدىغان بولۇپ، ئۇلار ماشىنا ھەيدەپ ياكى پويىزغا ئولتۇرۇپ پارىژغا كېلىدۇ، بىراق باشقىلار بولسا ئايروپىلانغا ئولتۇرۇپ كېلىدۇ. ئۇنداقتا ماي باكىنى لىق تولدۇردى، دەپ پەرەز قىلساق، ھەر بىر نۆۋەتچى ئايروپىلان شۇ ماينى سەرپ قىلىپ تۈگىتىدۇ. بىر دانە بوئىن 747 ئايروپىلانى ھەر بىر تۆت لىتىر يېقىلغۇ سەرپ قىلغاندا 265.5 كىلومېتىر مۇساپىنى باسالايدۇ. بۇنداق ھېسابلىغاندا، 50 مىڭ ئادەم 102 مىليون لىتىر يېقىلغۇ سەرپ قىلىدۇ.

ھەر بىر لېتىر يېقىلغۇ ئاتمۇسفىراغا 9.5 كىلوگىرام كاربون تۆت ئوكسىد قويۇپ بېرىدۇ. بۇ ئىككى ساننى بىرلەشتۈرۈپ ھېسابلىغاندا شۇنى چىقىرىشقا بولىدۇكى، پارىژ كىلىمات يىغى ئەسلىدە كاربوم تۆت ئوكسىد قويۇپ بېرىشنى تەشەببۇس قىلىش ئۈچۈن ئېچىلىدىغان يىغىن بولسىمۇ، بىراق شۇ يىغىننى ئېچىشقىلا 287 مىڭ توننا كاربون تۆت ئوكسىد قويۇپ بېرىلىدۇ.

      ئۇلار پارىژغا كەلگەندىن كېيىن مېھمانخانىلاردا تۇرىدۇ، تاماق يەيدۇ، ئويۇن ئويناپ كۆڭۈل ئاچىدۇ، ئاپتۇبۇسقا ياكى تاكسىغا ۋە ياكى مەخسۇس ماشىنىغا ئولتۇرىدۇ، بۇ پائالىيەتلەر كاربون تۆت ئوكسىدىنىڭ قويۇپ بېرىلىشىنى كۆپەيتىپ، ئومۇمىي قويۇپ بېرىلىش نىسبىتىنى 300 مىڭ توننىغا يەتكۈزىدۇ.

300 مىڭ توننا ئاڭلىماققا ناھايىتى چوڭ بىر سان، بىراق يەر شارى كاربون تۆت ئوكسىد قويۇپ بېرىلىش مىقدارىغا قارىتا ئېلىپ ئېيتىدىغان بولساق، بۇ قىلچىلىكمۇ بولالمايدۇ. ياكى مىڭدىن بىر قەترە ھېسابلىنىشى مۇمكىن.